Elimizde 18 jasqa tolǵan azamattar «Ulttyq qor – balalarǵa» baǵdarlamasy aıasynda jınaqtalǵan qarajatty tolyq kólemde paıdalaný quqyǵyna ıe. Otbasy banktiń málimetinshe, sońǵy úsh jylda árbir kámeletke tolǵan turǵynnyń shotyna orta eseppen 370,56 dollar túsken, dep habarlaıdy Egemen.kz.
Atalǵan qarajatty tek eki maqsatta: turǵyn úı jaǵdaıyn jaqsartý nemese bilim aqysyn tóleýge jumsaýǵa bolady. О́tinimder «Otbasy banktiń» onlaın platformasy arqyly qabyldanady. Bank derekterine súıensek, áli kúnge deıin Ulttyq qordan túsken aqshany paıdalanbaı júrgender bar.
«Bul qarajat qazir BJZQ-daǵy shottarda saqtalyp tur. Alaıda oǵan eshqandaı qosymsha tabys eseptelmeıtinin eskerý qajet. Eger 10 jyl ishinde bul aqsha paıdalanylmasa, ol avtomatty túrde azamattyń zeınetaqy shotyna aýdarylady», dep málimdedi bank ókilderi.
78 myńnan asa bala «Ulttyq qordan» túsken qarjyǵa oqý aqysyn tólegen
Búginde el turǵyndary Ulttyq qordan túsken qarjyny kóbine el ishindegi oqý aqysyn tóleýge, «Aqyl» bilim berý depozıtin tolyqtyrýǵa nemese oqý úshin alǵan nesıeniń bir bóligin óteýge jumsap otyr. Al eger bilim alýǵa aqsha jumsaýdyń qajettiligi bolmasa, bul qarjyny «Otbasy banktegi» depozıtke aýdarýǵa múmkindik bar. Mundaı jaǵdaı jınaq ıesine qosymsha tabys ákeledi.
Bıyl Ulttyq qordan balalardyń shotyna qansha teńge túsedi?
Bank mamandarynyń aıtýynsha, shaǵyn soma bolsa da, depozıtke salynǵan qarajat «jumys isteı» bastaıdy.
«Tipti az ǵana jınaqtyń ózi salymshy úshin jumys isteıdi. Oǵan banktiń 2% syıaqysy men memlekettiń 20% syıaqysy (200 AEK-ten aspaıtyn somaǵa) qosylady. Depozıttiń jyldyq tıimdi syıaqy mólsherlemesi memleket syıaqysyn eseptegende jyldyq 14%-ǵa deıin jetedi. Depozıttiń bolýy jas salymshyǵa jeke baspanasyn az shyǵynmen satyp alýǵa kómektesedi. Jınaq shotyn turaqty túrde tolyqtyryp otyrsa, jyldyq mólsherlemesi 3,5% ben 8,5% aralyǵynda bolatyn turǵyn úı qaryzyn alýǵa kepildik beriledi», dep atap ótti bank ókilderi.
Qazirdiń ózinde 18 jasqa tolǵan azamattar osy keńeske qulaq asyp, Ulttyq qordaǵy aqshasyn «Otbasy banktegi» esepshotyna aýdaryp úlgergen. Búginde bul baǵyt boıynsha 112 818 ótinim óńdeldi. Sondaı-aq bul qarjyny páter satyp alý kezinde alǵashqy jarna retinde nemese úıdiń aqysyn tolyq tóleý úshin de paıdalanýǵa bolady.
Eske sala keteıik, shotqa túsken qarajatty eGov mobile qosymshasynan, keıbir ekinshi deńgeıli bankterdiń servısterinen nemese BJZQ saıtynan tekserýge bolady.
«Ulttyq qor – balalarǵa»: 18 jasqa tolǵan 200 myńnan astam qatysýshy maqsatty jınaqtaryn paıdalandy