Italııada ótip jatqan 2026 jylǵy Olımpıada oıyndary aıasynda shańǵy jarysynan erler arasynda skıatlon (10 shaqyrym + 10 shaqyrym) básekesi ótti, dep habarlaıdy Egemen.kz.
Bul jarysta Qazaqstan quramasy sapynan Naıl Bashmakov pen Ámirǵalı Muratbekov óner kórsetti.
Ámirǵalı Muratbekov 45-orynmen márege jetse, Naıl Bashmakov 49-ynshy bolyp tirkeldi.
Qazaq sportshylary Olımpıadanyń alǵashqy kúninde qalaı óner kórsetti?
Altyn júldeni norvegııalyq Iohannes Klebo jeńip aldy. Kúmis medal Fransııa sportshysy Matıs Delojǵa buıyrdy. Norvegııa ókili Martın Nenget qola júldemen jarysty aıaqtady.
Aıta keteıik, búgin saǵat 18:05-te bıatlonnan aralas estafeta jarysyna Vladıslav Kıreev, Áset Dúısenov, Mılana Geneva jáne Aısha Raqysheva qatysady.