Ál-Farabı atyndaǵy Qazaq ulttyq ýnıversıtetinde ústel ústi sporttyq oıyndary boıynsha ashyq chempıonat uıymdastyryldy. Is-sharada balalar men eresekter, múmkindigi shekteýli jandar, sondaı-aq memlekettik qurylymdar men qoǵamdyq uıymdar jáne bıznes ókilderi bas qosty. Mundaı aýqymdy format qoǵamdaǵy ózara túsinistikti nyǵaıtyp, ortaq qundylyqtar tóńireginde birigýge baǵyttalǵan, dep habarlaıdy Egemen.kz.
Joba QazUÝ ınklıýzıvti ǵylymı-tájirıbelik ortalyǵy, «Áleýmettik ınklıýzıvti baǵdarlamalar ortalyǵy» qoǵamdyq qory, Balalaroom klýby jáne DeFactoFm portalymen birlese júzege asyryldy. Jattyqtyrýshy Mıhaıl Teıfeldiń aıtýynsha, ústel ústi oıyndary strategııalyq oılaýdy, zeıin men qımyl úılesimdiligin damytýmen qatar, qatysýshylar arasynda teń qarym-qatynas ornatýǵa septigin tıgizedi.
Inklıýzıvti tásil júzege asty
Uıymdastyrýshylar chempıonattyń aldaǵy ýaqytta halyqaralyq tájirıbe almasý alańyna aınalatynyna senim bildirdi. Sheteldik sarapshylar men seriktesterdi tartý arqyly da jobanyń áleýmettik mańyzy men aýqymyn keńeıtý josparlanyp otyr.
Sonymen qatar chempıonat aıasynda mektep oqýshylaryn ústel ústi oıyndaryna baýlý jáne olardyń tanymdyq daǵdylaryn jetildirý baǵytyndaǵy júıeli daıyndyq jumystary júrgizilip keledi. Sabaqtar Almaty qalasyndaǵy BALALAROOM klýbynda ótkiziledi. Jattyǵý úderisi tek sporttyq nátıjelerge ǵana emes, sonymen birge áleýmettenýge, komandalyq is-qımyldy nyǵaıtýǵa jáne belsendi demalys mádenıetin qalyptastyrýǵa negizdelgen.
Almatyda ınklıýzıvti sport ortalyǵy boı kóteredi
QazUÝ bazasyndaǵy bul bastama ınklıýzıvti ortany uzaq merzimdi damytýǵa jáne qoǵamnyń barlyq sanaty úshin salaýatty ómir saltyn ilgeriletýge múmkindik beredi.