Qazaqstannyń Belgııadaǵy Elshiliginde Qazaqstannyń konsýldyq okrýgy Eno, Lej, Lıýksembýrg jáne Namıýr provınsııalaryndaǵy qurmetti konsýly patentin berý rásimi ótti, dep jazady Egemen.kz SIM baspasóz qyzmetine silteme jasap.
Qazaqstannyń jańa Qurmetti konsýly bolyp 35000-nan astam kásiporyndy qamtıtyn «BECI» Saýda-ónerkásiptik palatasynyń tóraǵasy Olıve Vıloks taǵaıyndaldy. Sonymen qatar, ol Brıýssel bıznes federasııasy men Vallondyq kásiporyndar odaǵynyń dırektorlar keńesiniń múshesi.
Qazaqstan Elshisi Marǵulan Baımuhan bul Belgııanyń ár túrli aımaqtarynda ashylǵan tórtinshi qurmetti konsýldyq ekenin atap ótti. Olardyń maqsaty – eki el arasyndaǵy saýda-ekonomıkalyq jáne mádenı-gýmanıtarlyq yntymaqtastyqty damytý.
O.Vıloks ózine kórsetilgen senim úshin alǵysyn bildirip, ekijaqty yntymaqtastyqty jan-jaqty damytatynyna, sondaı-aq óziniń konsýldyq okrýginde Qazaqstan azamattarynyń quqyǵy men múddesin qorǵaıtynyna sendirdi jáne aldaǵy qyzmetiniń negizgi baǵyttary boıynsha usynysyn jetkizdi.
Qurmetti konsýlǵa Qazaqstanda júrgizilip jatqan saıası jáne áleýmettik-ekonomıkalyq reformalar týraly aqparattyq materıaldar berildi. Budan bólek Qazaqstan Prezıdenti Qasym-Jomart Toqaevtyń «Halyq birligi jáne júıeli reformalar – el órkendeýiniń berik negizi» Joldaýynyń negizgi tezısteri talqylandy.