Kórip júrgenimizdeı, óz jeke isin quryp, birjola kásipkerlikpen shuǵyldanýǵa talpynýshylar birazynyń áli de joly onshalyqty ońǵarylmaýy az kezdespeı otyrǵan jaıt. Bylaı alyp qaraǵanda, olarǵa barlyq jaǵdaılar jasalyp, qoldaý kórsetilip jatqandaı kóringenimen, kedergilerge renishtiler sırer emes. Solardyń biri – «Qarqaraly ATP» JShS dırektory Mádııar Shamshıev. Keıbirimen tildesýde ańǵarylǵandaı, tıisti oryndar tarapynan enjarlyq pen samarqaýlyq adym ashtyrmaıdy. Jumystyń basqa da býyndarymen qabattasyp, ushtasýy aldymen óz múddelerin kózdeýshilerdiń talaptaryna baılanysty óndimeýi, ásirese, jıi ushyrasar qolbaılaý demeske lajyń joq.
Kórip júrgenimizdeı, óz jeke isin quryp, birjola kásipkerlikpen shuǵyldanýǵa talpynýshylar birazynyń áli de joly onshalyqty ońǵarylmaýy az kezdespeı otyrǵan jaıt. Bylaı alyp qaraǵanda, olarǵa barlyq jaǵdaılar jasalyp, qoldaý kórsetilip jatqandaı kóringenimen, kedergilerge renishtiler sırer emes. Solardyń biri – «Qarqaraly ATP» JShS dırektory Mádııar Shamshıev. Keıbirimen tildesýde ańǵarylǵandaı, tıisti oryndar tarapynan enjarlyq pen samarqaýlyq adym ashtyrmaıdy. Jumystyń basqa da býyndarymen qabattasyp, ushtasýy aldymen óz múddelerin kózdeýshilerdiń talaptaryna baılanysty óndimeýi, ásirese, jıi ushyrasar qolbaılaý demeske lajyń joq.
Máselen, joǵary oqý ornyn bitirisimen mamandyǵy boıynsha avtokólik túrlerin jóndeý isin qurmaq bolǵan joǵaryda atalǵan jas jigittiń taýy birden shaǵylǵan. Nege? Elektr qýatymen jabdyqtaýshy «KREK» kompanııasynyń jergilikti tarmaǵy óz qyzmetteri úshin qymbat baǵa belgilep aıaqtan bir shalsa, ınjenerlik kommýnıkasııalardyń tartylmaýy jáne etekten tartqan. Osy jaılar aıtylyp, túsinistik tanytylýy ótinilgenimen, eshkimniń de qulaq aspaýy aqyry bastapqyda eńbekke qamtylǵan 50 jumysshyny 5-eýge deıin qysqartýǵa májbúr etken. Endi úlken úmit kútken is quldyraǵaly tur.
Jaqynda jumyspen qamtýdy úılestirý jáne áleýmettik baǵdarlamalar basqarmasynda bolǵanda bilgenimizdeı, sońǵy kezde oblysta jeke kásipkerlikti jolǵa qoıý maqsatynda nesıe alýshylar sany edáýir azaıypty. Buryn oǵan jurt talasyp-tarmasyp jatýshy edi. Talabyn taýdaı qylýǵa ynta tómendeýi qalaı? Sóıtsek, taısaqtap-tartynýdyń esh jumbaǵy joq eken. Jeńildik nesıege qoldary jetkenimen, qarjy qaıtarymyna senimsizdik qınaıtyn kórinedi. Ári qaraı ilgeriletýge óz múmkindikteri shamaly qaptaǵan qıyndyqtardyń qol baılaýynan úrkıdi. Sonyń saldarynan Qarqaraly, Ulytaý, Shet aýdandarynda nesıe alýshylar men qoldaý qarajaty bólingenderdiń ony ıgermeýi ushyrasyp jatyr. Elbasy Joldaýynda «Bıznesti damytýǵa kedergi keltiretin barlyq enjar quqyqtyq normalardyń kúshin joıý kerek» dep atap kórsetilgendeı, aýyl kásipkerlerine erejeler men qaǵıdattardy jón-josyqsyz qystyrmalaı berý de qaımyqtyrýyn bilemiz.
Munyń, sondaı-aq, mynadaı da sebebi bar. Shaǵyn jáne orta bıznesti qalyptastyrýǵa nıettenýshiler kóbi jolyn bilmeıdi. Bylaısha aıtqanda, nesıeni uqsata almaıdy. Mundaı isti uıymdastyrýdy, esep-qısapty júrgizýdi jetik bilmeıtin jandar tym bolmasa qysqa merzimdi kýrstarda oqytý nemese kóshpeli aqparattyq-nasıhattyq toptar keńesterine qamtý tárizdi sharalardan beıhabar. Al málimetterge qarasańyz, basqasha. Mine, taǵy bir qısynsyz jaǵdaı osy.
Aıqyn NESIPBAI,
«Egemen Qazaqstan».
QARAǴANDY.