Premer-Mınıstrdiń orynbasary Roman Sklıar oblysqa jumys sapary barysynda kásiporyndardy, ınfraqurylym obektilerin qarap shyqty, oblystyń áleýmettik-ekonomıkalyq damý máselelerin qarady, dep jazady Egemen.kz vedomstvonyń baspasóz qyzmetine silteme jasap.
Oblys ortalyǵynda R. Sklıar respýblıkalyq magıstraldiń Pavlodar men Semeı arasyndaǵy ýchaskesiniń rekonstrýksııasymen tanysty. Jaýapty mekemelerdiń esebin tyńdap, qurylǵan kólik ınfraqurylymynyń barlyq sapa standartyn qamtamasyz ete otyryp jumysty ýaqytynda aıaqtaýdy tapsyrdy.
Jumys sapary aıasynda vıse-premerge «Dostyq» yqsham aýdanyndaǵy turǵyn úı qurylysynyń barysy tanystyryldy. Búgingi kúni jańa shaǵyn aýdanda 5 turǵyn úı paıdalanýǵa berildi.
Ýspen aýdanynda R. Sklıar men aýyl sharýashylyǵy mınıstri E. Qarashókeevke ónimderi Qazaqstan óńirlerine jetkiziletin «Galıskoe» JShS sút fermasynyń qyzmeti týraly esep berildi.
Jumys saparynyń sońynda Roman Sklıar aımaqta elektr jáne jylý energetıkasyn damytý máseleleri boıynsha keńes ótkizdi.
Jumys saparyna, sonymen qatar, energetıka jáne ulttyq ekonomıka vıse-mınıstrleri, IIDM Qurylys jáne turǵyn úı-kommýnaldyq sharýashylyq komıtetiniń tóraǵasy qatysty.