Reseı prezıdenti Vladımır Pýtın ekstremıstik kez-kelgen qylmysqa qarsy jazany kúsheıtti. Bul týraly Lenta.ru habarlady.
Joǵaryda atalǵan máselege qatysty zańǵa túzetýlerdiń engizilýine oraı, endi qoǵamdy ekstremızmge shaqyrý áreketine 300 myń rýblge deıin aıyppul salynady jáne 4 jylǵa deıin bas bostandyǵynan aıyrý jazasy taǵaıyndalady. Sondaı-aq ekstremıstik uıym qurý áreketine 500 myń rýblge deıin aıyppul men 6 jylǵa deıin bas bostandyǵynan aıyrý jazasy belgilendi.
Jańadan engizilgen túzetýlerge sáıkes, ekstremıstik árekettiń ınternet arqyly taralýyna shekteý qoıylyp, ınternet paıdalanýshylardyń únemi baqylaýda bolatyny kútilýde. Al Vladımır Pýtın ázirge qol qoımaǵan terakt uıymdastyrý men ony qarjylandyrý áreketi úshin beriletin jazaǵa baılanysty túzetýler ómir boıyna bas bostandyǵynan aıyrýdy qarastyrady.
Reseı bıligi 2013 jylǵy jeltoqsannyń sońynda Volgogradta oryn alǵan eki birdeı jarylystan keıin qoldanystaǵy zańǵa túzetý engizýdi jedeldetti.
Aıdar О́risbaev.
Derekkóz: Lenta.ru.
Foto: Ria.ru.