Qazaqstan Respýblıkasy Úkimetiniń qaýlysy №1551

2013 jylǵy 31 jeltoqsan,  Astana, Úkimet Úıi Qazaqstan Respýblıkasy Mádenıet jáne aqparat mınıstrliginiń 2014 – 2018 jyldarǵa arnalǵan strategııalyq jospary týraly 2008 jylǵy 4 jeltoqsandaǵy Qazaqstan Respýblıkasy Bıýdjet kodeksiniń 62-babyna sáıkes Qazaqstan Respýblıkasynyń Úkimeti qaýly etedi: 1. Qosa berilip otyrǵan Qazaqstan Respýblıkasy Mádenıet jáne aqparat mınıstrliginiń 2014 – 2018 jyldarǵa arnalǵan strategııalyq jospary bekitilsin. 2. Osy qaýly 2014 jylǵy 1 qańtardan bastap qoldanysqa engiziledi jáne resmı jarııalanýǵa tıis. Qazaqstan Respýblıkasynyń Premer-Mınıstri S.AHMETOV. Qazaqstan Respýblıkasy Úkimetiniń 2013 jylǵy 31 jeltoqsandaǵy №1551 qaýlysymen bekitilgen Qazaqstan Respýblıkasy Mádenıet jáne aqparat mınıstrliginiń 2014 – 2018 jyldarǵa arnalǵan strategııalyq jospary Mazmuny 1. Qazaqstan Respýblıkasy Mádenıet jáne aqparat mınıstrliginiń mıssııasy men paıymy 2. Aǵymdaǵy ahýaldy jáne qyzmettiń tıisti salalaryndaǵy (aıalaryndaǵy) damý úrdisterin taldaý 3. Ctrategııalyq baǵyttar, maqsattar, mindetter, nysanaly ındıkatorlar, is-sharalar jáne nátıjeler kórsetkishteri 4. Fýnksıonaldyq múmkindikterdi damytý 5. Vedomstvoaralyq ózara is-qımyl 6. Táýekelderdi basqarý 7. Bıýdjettik baǵdarlamalar 1. Qazaqstan Respýblıkasy Mádenıet jáne aqparat mınıstrliginiń mıssııasy men paıymy Qazaqstan Respýblıkasy Mádenıet jáne aqparat mınıstrliginiń mıssııasy – mádenıet jáne aqparat salasynda sapaly jáne qoljetimdi qyzmetter kórsetýge, memlekettik jáne basqa tilderdiń qarqyndy damýyna, el birliginiń nyǵaıýyna, memleket pen azamattyq sektor áriptestiginiń tıimdi júıesin qoldaýǵa baǵyttalǵan memlekettik saıasatty ázirleý jáne tıimdi iske asyrý. Paıymy – el birliginiń myzǵymas qaǵıdattary, azamattyq bastamalardy iske asyrýdyń tıimdi tetikteri bar, jalpyulttyq mádenı-aqparattyq jáne tildik orta. 2. Aǵymdaǵy ahýaldy jáne qyzmettiń tıisti salalaryndaǵy (aıalaryndaǵy) damý úrdisterin taldaý 1-strategııalyq baǵyt. Mádenıet jáne óner salasynyń básekege qabilettiligin arttyrý 1. Retteletin salany nemese qyzmet aıasyn damytýdyń negizgi parametrleri. Sala ınfraqurylymynyń jaı-kúıi. Qazaqstandaǵy memlekettik mádenıet jáne óner mekemele­riniń júıesinde 38 respýblıkalyq (10 teatr, 7 konserttik uıym, 3 kitaphana, 5 murajaı, 9 tarıhı-mádenı qoryq-murajaı, 1 kınokompanııa, 3 ózge uıym) jáne 8 myńnan astam oblystyq mádenıet uıymdary (219 murajaı, 4 149 kitaphana, 2 960 klýb, 53 teatr, 41 konserttik uıym, 21 kınoteatr, 152 kınoqondyrǵy, 6 haıýanattar baǵy, 5 sırk, 55 mádenıet jáne demalys saıabaǵy) qyzmet etedi. Qazaqstan Respýblıkasy Statıstıka agenttiginiń derekteri boıynsha sońǵy oń jylda murajaılar men kınoteatrlar (kınozaldardyń) sany 45 %-ǵa, al teatrlar men kitaphanalardyń sany 20 %-ǵa ulǵaıǵan. Mádenıet ónimderine degen suranys týraly mynadaı kelýshiler sanynyń kórsetkishteri baıqatady: on jyl ishinde teatrǵa kelýshilerdiń sany 35 %-ǵa artty, kitaphanalardyń turaqty oqyrmandarynyń sany 18 %-ǵa ósti, al kınoteatrlar kórermenderiniń sany 5 esege artty. 2012 jyly 12 205 spektakl qoıylyp, 6 800 konsert uıymdastyryldy, respýblıkalyq murajaılarda 113 kórme, 357 dáris jáne 14 353 ekskýrsııa ótkizildi. Kitaphanalarda 500-den astam is-shara uıymdastyrylyp, ótkizildi. Elimizde óziniń sáýleti boıynsha biregeı bolyp tabylatyn «Qazaqstan» ortalyq konsert zaly, Ortalyq Azııadaǵy eń aýqymdy «Astana-Opera» opera jáne balet teatry ashyldy. Elimizdiń mádenı murasynyń mańyzdy qundylyqtaryn jınaqtaıtyn jáne myńjyldyq ulttyq tarıhymyzdyń ulylyǵyn kórsetetin orynǵa aınalýǵa tıisti Qazaq ulttyq murajaıynyń qurylysy júrip jatyr. Zańnamalyq bazany jetildirý. 2010 jyly «Mádenıet týraly» Qazaqstan Respýblıkasynyń Zańyna ózgerister men tolyqtyrýlar engizý týraly» Qazaqstan Respýblıkasynyń Zańy qabyldandy. Qabyldanǵan túzetýler otandyq kınomatografııa, murajaı jáne kitaphana isi salasyndaǵy máselelerdi retteýge baǵyttalǵan. Atap aıtqanda, kınoónimderdi ındeksasııalaý jáne prokattyq kýálikter berý tetigi engizildi, ulttyq kınonyń krıterııleri aıqyndaldy, kitaphanalyq qordy qalyptastyrý normalary naqtylandy, jergilikti atqarýshy organdar quzyretine oblystyq, aýdandyq ne respýblıkalyq mańyzy bar bir kitaphanaǵa «Ortalyq» mártebesin berý fýnksııasy qosyldy. 2011 jyly «Materıaldyq emes mádenı murany qorǵaý týraly» jáne «Mádenı qundylyqtardy zańsyz ákelýge, áketýge jáne olarǵa menshik quqyǵyn berýge tyıym salý men olardyń aldyn alýǵa baǵyttalǵan sharalar týraly» konvensııalar ratıfıkasııalandy. Tabystar jáne jetistikter. Elbasynyń bastamasy boıynsha 2004 jyldan beri aýqymy jáne tarıhı dıapazony jaǵynan teńdessiz bolyp tabylatyn «Mádenı mura» Ulttyq strategııalyq jobasy iske asyrylýda. Jobany iske asyrý jyldarynda ulttyq tarıhymyzdy tanytatyn, ǵylymdy myńdaǵan jádigerlermen baıytqan 40-tan astam arheologııalyq jáne 30-dan astam ǵylymı-qoldanbalyq zertteýler júrgizildi. Shyǵys Qazaqstan oblysyndaǵy Shilikti jáne Berel qorǵandaryndaǵy qazbalar jáne skıf-sibirlik «ań» stıli nemese saq ónerine (b.z.d V-III ǵǵ.) qatysty altyn buıymdardy tabý álemdik tanymaldylyqqa ıe boldy. Qytaı, Túrkııa, Mońǵolııa, Reseı, Japonııa, Mysyr, AQSh jáne Batys Eýropa elderinde bolǵan ǵylymı-izdestirý ekspedısııalary nátıjesinde qazaq halqynyń tarıhy, etnografııasy, óneri boıynsha 5 myńnan astam asa baǵaly muraǵattyq qujattar tabylyp, ǵylymı aınalymǵa engizildi. «Mádenı mura» jobasynyń sheńberinde 83 tarıh jáne mádenıet eskertkishi tolyǵymen restavrasııadan ótti, olardyń ishindegi sheteldik aýqymdy jobalar: Damasktaǵy (Sırııa) Sultan Áz-Zahır Beıbarys kesenesin restavrasııalaý jáne Damask tarıhı-mádenı ortalyǵyndaǵy Ál-Farabı kesenesindegi qurylys jumystary. Qazaqstannyń eki eskertkishi IýNESKO-nyń Dúnıejúzilik mádenı murasy tizimine kirdi: Qoja Ahmet Iаssaýı kesenesi jáne Tamǵaly arheologııalyq kompleksi. Táýelsizdik jyldary alǵash ret otandyq eskertkishterdi aýqymdy túgendeý júrgizildi. Respýblıkalyq (218 eskertkish) jáne jergilikti (11 277 eskertkish) tarıhı jáne mádenı eskertkishterdiń Memlekettik tizimderi bekitildi. «Qazaqtyń dástúrli myń kúıi», «Qazaqtyń dástúrli myń áni» jáne «Batyrlar jyry» biregeı jobalary sheńberinde halyq óneriniń ozyq úlgileri júıelendi. Arheologııanyń, tarıh jáne mádenıettiń, arheologııalyq qazbalardyń biregeı eskertkishteri týraly barlyq málimetter izdeýge ońaı formatta «Mádenı mura – Kýltýrnoe nasledıe» (www.madenimura.kz) aqparattyq portalyna ornalastyrylǵan. Otandyq kınoındýstrııa qarqyndy túrde damyp jatyr. «Qazaqfılm» AQ kınostýdııasynda kórkem, derekti jáne anımasııalyq fılmderdi óńdeýdiń tolyq, qazirgi zamanǵy tehnologııalyq tizbegi qamtamasyz etilgen. Aýqymdy jańǵyrtý nátıjesinde kompanııa ártúrli janrdaǵy jáne formattaǵy fılmderdi túsirýge múmkindik beretin qazirgi zamanǵy jáne joǵary dárejeli qural-jabdyqtarǵa ıe boldy. Sonymen qatar, post-óńdeýdiń barlyq tehnologııalyq sıkli jasalǵan. Kınobazanyń óndiristik qýaty – bul bir jylda 100-den asa fılm shyǵarý jáne 20-dan asa kartınanyń prokatta bolýy. Sońǵy tórt jyl ishinde «Qazaqfılm» AQ-nyń 99 kartınasy 150 kınofestıval men álemniń 48 elindegi halyqaralyq kórsetilimderdiń qatysýshysy boldy. 2012 jyly 62 kınofestıval men halyqaralyq deńgeıdegi kınokórsetilimderge qazaqstandyq 32 kartına qatysty, 8 kartına 13 arnaıy syılyqtar men júldelerdi jeńip aldy. Teatr jáne mýzyka óneri damýynyń myqty negizi qalandy. Elimizdiń teatrlyq alańdarynda jyl saıyn 10 myńnan astam spektakl qoıylady, olardyń ishinde 300-i – otandyq jáne sheteldik horeograftardyń, baletmeısterlerdiń, rejısserlardyń jańa qoıylymdary, «Táýelsizdik tolǵaýy» shyǵarmashylyq baıqaýynyń shyǵarmalary. Opera jáne balettiń otandyq jetekshi solısteri álemniń úzdik sahnalarynda – La Skala teatrynyń Akademııasynda, Vena operasynda, Marıın teatrynda, Pergolezı Spontını Qorynda, Bolonıadaǵy Italıandyq Opera mektebinde, sondaı-aq «Bolashaq» baǵdarlamasy boıynsha oqyp, óziniń sahnalyq sheberligin shyńdaıdy. Qazaqstandyq oryndaýshylardyń álemdik arenadaǵy básekege qabilettiliginiń joǵary deńgeıi olardyń bedeldi halyqaralyq konkýrstar men festıvaldarǵa jyl saıynǵy qatysýymen, bedeldi halyqaralyq konkýrstarda laýreat jáne dıplomant ataǵyn jeńip alýymen dáleldenedi. Sońǵy úsh jyl ishinde 170-ten asa adam taǵylymdamadan ótti. «Qazaqstandy áleýmettik jańǵyrtý: Jalpyǵa Ortaq Eńbek Qoǵamyna qaraı jıyrma qadam» atty maqalada berilgen Memleket basshysynyń tapsyrmasyna sáıkes Eńbekke, adal kásibı tabysqa, Otanǵa qyzmet etýge, joǵary patrıottyq nıetterge oń kózqarastar qalyptastyratyn otandyq áleýmettik mádenı ónimderdi jańǵyrtýdyń 2012 – 2016 jyldarǵa arnalǵan jospary ázirlendi jáne Qazaqstan Respýblıkasy Úkimetiniń qaýlysymen qabyldandy. Osy qujat sheńberinde eńbek adamyna, óz isiniń sheberine arnalǵan fılmderdiń, kitaptardyń, teatraldyq qoıylymdardyń, mýzykalyq týyndylardyń, maqalalardyń, telebaǵdarlamalardyń tapshylyǵyn azaıtýǵa baǵyttalǵan is-sharalardyń birtutas kesheni kózdelgen. Memleket basshysynyń tapsyrmasy boıynsha ulttyń negizgi zııatkerlik resýrsy bolýǵa arnalǵan Qazaq ulttyq elektrondyq kitaphanasynyń (budan ári – QazaqUEK) qoryn keńeıtý boıynsha jumystar júrgizilýde. QazaqUEK-nyń resýrs kólemin 12 000-nan astam kitaptardyń e-kóshirmeleri quraıdy. Bul – «Mádenı mura» ulttyq strategııalyq jobasy sheńberinde basylyp shyqqan kitaptar, sırek kitaptar, Qazaqstan halqy Assambleıasy depozıtarııiniń kitaptary, sondaı-aq avtorlar nemese quqyqtyq ıelenýshileri usynǵan Qazaqstannyń tarıhy, ekonomıkasy, mádenıeti, óneri, ǵylymy boıynsha kitaptar. Elektrondyq katalogtyń kólemi 18 000 bıblıografııalyq jazbalardy quraıdy. Qashyqtyqtan paıdalanýshylardyń suranystary boıynsha jyl saıyn kitaptardyń e-kóshirmelerin jasaýǵa ortasha eseppen 1 500 tapsyrys qabyldanady jáne jasalady. 2012 jyly QazUEK-ǵa kelýshilerdiń ortasha sany 120 000 qurady, onyń ishinde álemniń 74 elinen 80 000-ǵa jýyq syrtqy kelýshiler. Sonyń ishinde QazUEK-tiń biregeı syrttan kelgen kelýshilerdiń sany 66 073 qurady. Qazaqstan mádenıetin shetelderde tanymal etý. Sońǵy birneshe jylda Mádenıet kúnderi formatyndaǵy is-sharalar is júzinde barlyq TMD elderin, Eýropanyń jáne Azııanyń, Taıaý Shyǵystyń jetekshi memleketterin qamtydy. Jalpy, 2005 jyldan 2012 jylǵa deıin álemniń 44 elinde tusaýkeser is-sharalary ótkizildi. Mádenıet qaıratkerlerin qoldaý. Mádenıet salasyndaǵy daryndy jáne bolashaǵy zor qaıratkerlerdi yntalandyrýdyń jáne qoldaýdyń tetigi engizildi. 2012 jyly mádenıet jáne óner qaıratkerlerine ádebıet jáne óner salasyndaǵy Memlekettik syılyq – 4 birlik, Qazaqstan Respýblıkasy Tuńǵysh Prezıdenti – Ult Kóshbasshysynyń Memlekettik beıbitshilik jáne progress syılyǵy – 1 birlik, mádenıet salasyndaǵy Memlekettik shákirtaqylar – 50 birlik tabystaldy. Taǵylymdamalar men biliktiligin arttyrý kýrstaryn uıymdastyrý jáne ótkizý jumystary turaqty túrde júrgizilip keledi. Otandyq repertýardy tolyqtyrý maqsatynda granttar bólý jáne shyǵarmashylyq baıqaýlar ótkizý qarastyrylǵan. 2. Negizgi problemalardy taldaý. Birinshi. Mádenıet salasyndaǵy otandyq ónimniń qyzmet kórsetý naryǵyndaǵy sheteldik óndirýshilerdiń basymdyǵynyń negizinde básekelestiginiń jetkiliksizdigi. Ekinshi. О́ńirlerdegi mádenıet mekemeleri jelisiniń damýyndaǵy úılesimdiliktiń bolmaýyna negizdelgen respýblıka turǵyndarynyń mádenıet uıymdary kórsetetin qyzmetterge qoljetimdiliginiń teńsizdigi jáne jeliniń mınımaldy normatıvteriniń joqtyǵy. Mysaly, óńirlerdegi kitaphanalardyń sany halyqtyń 10 000 adamyna shaqqanda 6,6-dan (Batys Qazaqstan oblysy) 0,3 (Shyǵys Qazaqstan oblysy) birlikke deıin aýytqıdy; klýbtyq sıpattaǵy mádenıet mekemeleri halyqtyń 10 000 adamyna shaqqanda 4,5-ten (Batys Qazaqstan oblysy) 0,7 birlikke deıin (Mańǵystaý oblysy) aýytqıdy. Aýyl turǵyndarynyń mádenıet obektilerine qol jetimdiligin qamtamasyz etý jeke turǵan másele. Mádenıet mekemeleriniń materıaldyq-tehnıkalyq bazasynyń tozýy jaǵdaıdy qıyndatyp otyr. Mysaly, aǵymdaǵy kezeńde klýbtyq sıpattaǵy mekemelerdiń 18 %-y jáne murajaılardyń 21 %-y kúrdeli jóndeýdi qajet etedi. Úshinshi. Salanyń qyzmetkerlerin áleýmettik qoldaýdyń álsizdigi. Salanyń jeke qyzmetkerleriniń tómen jalaqysy, zeınetke shyǵýynyń rettelmeýi kásiptiń bedelin arttyrýǵa yqpal etpeıdi. Mádenıet salasy qyzmetkerleriniń ortasha nomınaldyq jalaqysy respýblıkadaǵy qyzmettiń barlyq túrleriniń barabar kórsetkishterinen 61-72 % quraıdy, bul mádenıet salasy qyzmetkerleriniń neǵurlym tómen qarjylyq ýájdiligin aıqyndaıdy. Nátıjesinde mundaı ahýal salanyń jáne mádenıet uıymdarynyń bilikti kadrlarynyń tapshylyǵyna alyp keledi. Qazaqstan Respýblıkasy Statıstıka agenttiginiń derekterine sáıkes mádenıet salasynda qyzmet etetin turǵyndar sanynyń ózgerý qarqyny jalpy halyqtyń jumysbastylyq kórsetkishteriniń ózgerý qarqynymen sáıkespeıdi. Tórtinshi. Mádenıet salasyn jetkiliksiz qarjylandyrý. Halyqaralyq tájirıbeni taldaý nátıjeleri batys elderde mádenıetke bólinetin jyldyq bıýdjettik qarajattyń ortasha kólemi JIО́ 0,6 % – 0,8 %, Qazaqstanda 0,1 %-dan tómen ekenin kórsetti. 3. Negizgi ishki jáne syrtqy faktorlardy baǵalaý. Otandyq mádenı naryqtaǵy sheteldik ónimniń basym bolý úrdisi saladaǵy memlekettik-jekeshelik áriptestikti damytý, prodıýserlik jáne baspa qyzmetin yntalandyrý, bolashaǵy zor ádebıet jáne óner qaıratkerlerine qoldaý kórsetý arqyly mádenıet salasynda básekege qabiletti ónim shyǵarýdyń tetikterin jetildirý qajettiligin týdyrýda. Qazirgi zamanǵy yńǵaıly formatta halyqtyń mádenı qundylyqtarǵa qoljetimdiligin keńeıtýge múmkindik beretin jańa tehnologııalardy engizý mádenıet nysandaryn sıfrlyq formatqa aýystyrý prosesterin budan ári jetildirýdi, tıisti ınternet-resýrstardy sapaly mazmunmen qamtamasyz etýdi talap etedi. Eldiń mádenı keńistiginiń sáýletin ońtaılandyrýǵa salanyń normatıvtik-quqyqtyq bazasyn odan ári jetildirý, atap aıtqanda mádenıet uıymdary jelisiniń eń tómengi memlekettik normatıvterin qabyldaý jáne salany tolyq pasporttaýdy engizý yqpal etedi. 2-strategııalyq baǵyt. Otandyq aqparattyq keńistiktiń básekege qabilettiligin arttyrý. 1. Retteletin salany nemese qyzmet aıasyn damytýdyń negizgi parametrleri. Aqparattyq sala ınfraqurylymynyń jaı-kúıi. Aqparattyq alańda 2 783 buqaralyq aqparat quraly (budan ári – BAQ) qyzmet etedi, onyń ishinde: memlekettik – 439 (16 %), memlekettik emes – 2 344 (84 %). BAQ-tyń jalpy sanynyń 91 %-yn gazetter (1 674) jáne jýrnaldar (858), 8,5 %-yn – elektrondyq BAQ-tar (51 telekompanııa, 48 radıokompanııa, 133 kábildik televızııa jáne 6 jerseriktik habar taratý operatory) jáne 0,5 %-yn – aqparattyq agenttikter (13) quraıdy. Qazaq tilinde taralatyn (efırge shyǵatyn) BAQ-tardyń úlesi – 555 (20 %), orys tilinde – 938 (34 %), qazaq jáne orys tilderinde 941 (34 %), qazaq, orys jáne basqa tilderde – 349 (13 %). Astana qalasynda ashylǵan «Qazmedıa ortalyǵy» biregeı teleradıokesheni habar taratý kompanııalary úshin sapaly jáne básekege qabiletti medıakontent óndirisindegi aǵymdaǵy jáne keleshektegi barlyq qajettilikterdi qanaǵattandyrýǵa múmkindigi bar basty tehnologııalyq alań boldy. «Qazmedıa ortalyǵynyń» apparattyq-stýdııalyq kesheni 5 telebaǵdarlamalardy shyǵarý stýdııasyn, vırtýaldy stýdııany, 2 panoramalyq Sky-stýdııasyn, 4 jańalyqtar shyǵarý stýdııasyn, 2 serıaldardy shyǵarý stýdııasyn, kommýtasııalyq keshendi, radıonyń apparattyq-stýdııalyq keshenin, jerseriktik teleportty, 4 Fly-away taratý antennasyn, medıalyq muraǵatty, kınokonserttik keshendi, konferens-zaldy qamtıdy. Sony, Vizrt, Evertz, Dalet jáne basqa da álemniń jetekshi fırmalarynyń zamanaýı jabdyqtary ornatylǵan. 2013 jyldyń qańtarynan bastap «Habar» agenttigi» AQ, «Qazaqstan» RTRK» AQ, «Evrazııa+ORT» JShS, «MIR» MATRK-men seriktestik qatynastar ornatyldy. Keshenniń ǵımaratynan 9 telearna jáne 3 radıoarnany taratý qamtamasyz etilgen. Teleradıokeshendi engizýmen qoıylǵan telehabar taratý salasyn tehnıkalyq qamtamasyz etýdiń joǵary standarttary ozyq halyqaralyq normalarǵa sáıkes kelýdi talap etedi. Osyǵan baılanysty «Qazmedıa ortalyǵy» keshenniń tehnıkalyq aýdıtin ótkizgen jáne tehnologııalyq bazanyń ári qaraı damýy jónindegi usynymdardy ázirlegen Azııa-Tynyq muhıty habar taratý odaǵynyń (ABU) quramyna kirdi. Tabystar jáne jetistikter. Mınıstrliktiń basty mindetteriniń biri memlekettik telearnalardyń básekege qabilettiligin jáne olardyń reıtıngterin arttyrý bolyp tabylady. Bul turaqty jetildirýdi jáne jańa formattardy izdeýdi talap etetin keshendi jumys. 2011 – 2013 jyldary jańa arnaıy arnalardy qurýdy jáne telearnalardyń baǵdarlamalyq kestesin keńeıtýdi qamtıtyn birqatar jobalar iske asyryldy. Memlekettik telearnalardyń efıri kóbinese ózindik qazaqstandyq kontent negizinde qurylady. Olardyń efırdegi úlesi boıynsha «Habar» – 80 %, «Qazaqstan» telearnasy – 71 %, «QazaqTV» – 95 %, «Qaz.Sport» – 98 %, «24.KZ» – 100 % quraıdy. Memlekettik arnalar reıtıngteriniń ósýi baıqalady. «Qazaqstan» 2013 jyl boıy qazaq jáne orys tilderinde 100 myńnan kem adam sany bar eldi mekenderde absolıýttik kóshbasshy bolyp tabylady. Qazaq tilinde 100 myń plıýs paneli boıynsha «Qazaqstan» úshinshi oryndy ıelenedi. О́zimizdiń serıaldardy shyǵarý prosesi jolǵa qoıyldy. 2013 jyly jalpy alǵanda 345 serııadan turatyn 21 serıal túsirildi. «Qazmedıa ortalyǵy» medıa-ortalyǵynyń bazasynda Medıa-mektep quryldy, munda 2013 jyldyń basynan beri 300 BAQ mamandary úshin 20 semınar ótkizildi. «Bolashaq» baǵdarlamasynyń sheńberinde 2013 jyly «Habar», «Qazaqstan», «Qazmedıa ortalyǵynyń» 20 qyzmetkeri Reseıge jáne Ulybrıtanııaǵa taǵylymdamaǵa jiberiledi. BAQ salasyndaǵy magıstrlerdi oqytý múmkindigi jasalynǵan. Muraǵat isi salasynda Qazaqstan Respýblıkasynyń muraǵat salasynyń biryńǵaı júıesin 220 memlekettik muraǵat quraıdy. Qazaqstandyq muraǵattardy halyqaralyq muraǵattyq keńistikke ıntegrasııalaý sheńberinde 14 alys jáne jaqyn shet eldermen yntymaqtastyq jónindegi kelisimderge qol qoıyldy. Sońǵy 20 jylda Ulttyq muraǵat qorynyń kólemi jáne jeke quram boıynsha qujattar sany 11,6 mıllıonnan 22 mıllıon saqtaý birligine ósti. Qazaqstannyń kitap shyǵarý salasy búgingi kúni kóterilý ústinde. Qazirgi tańda Kitap palatasynda 364 baspa men kitap shyǵarýshy uıym tirkelgen. Shyǵarylyp jatqan áleýmettik mańyzdy ádebıettiń túrjıyny keńeıtilip, kitaptardyń polıgrafııalyq oryndalýy men kórkem bezendirilýi jaqsarýda. Áleýmettik mańyzdy ádebıet – bul qoǵamnyń rýhanı-tanymdyq jáne zııatkerlik-mádenı áleýetin arttyrýǵa, óskeleń urpaqty patrıotızm jáne jalpy álemdik qundylyqtar ıdealdary rýhynda tárbıeleýge, sondaı-aq, eldiń qoǵamdyq-saıası, áleýmettik-ekonomıkalyq, ǵylymı-tanymdyq jáne mádenı ómirindegi jetistikterdi keńinen taratýǵa baǵyttalǵan kórkem, ǵylymı, pýblısıstıkalyq, ensıklopedııalyq jáne basqa da ózekti shyǵarmalar. Zańnamalyq bazany jetildirý. 2012 jylǵy 18 qańtarda «Teleradıo habarlaryn taratý týraly» Zań (budan ári – Zań) qabyldandy, onda teleradıonaryqtaǵy barlyq sýbektilerdiń qatynastaryn retteýdiń jáne sıfrlyq habar taratý formatyna kóshýdiń quqyqtyq sharttary aıqyndalǵan. 2012 jyly Zańdy iske asyrý barysynda 15 normatıvtik quqyqtyq akt ázirlendi. 2. Negizgi problemalardy taldaý. Birinshi. Otandyq aqparattyq ónimniń básekege qabilettiliginiń jetkiliksizdigi. Ekinshi. Qazirgi zamanǵa saı aqparattyq tehnologııalardyń jáne Ulttyq muraǵat qory qujattaryn avtomattandyrylǵan rejımde ortalyqtandyrylǵan memlekettik esepke alýdyń bolmaýy. 3. Negizgi syrtqy jáne ishki faktorlardy baǵalaý. Normatıvtik quqyqtyq bazany jetildirý, sonyń ishinde «Teleradıo habarlaryn taratý týraly» 2012 jylǵy 18 qańtardaǵy Qazaqstan Respýblıkasy Zańynyń normalaryn iske asyrý arqyly jetildirý mindetti tele-, radıoarnalardy usyný kepildigimen 100 paıyzǵa deıin halyqty efırlik sıfrlyq teleradıo habar taratýmen qamtamasyz etýge, otandyq televızııalyq jáne radıoarnalardyń damýyna qolaıly quqyqtyq jaǵdaı jasaýǵa, ulttyq radıojıilik qordy ońtaılandyrýǵa jáne ony utymdy qoldanýǵa múmkindik beredi. Aqparattyq-kommýnıkasııalyq tehnologııalardyń damý prosessi BAQ úshin Internet jelisiniń múmkindikterin belsendi qoldaný jolymen aqparatty taratýdyń jańa múmkindikterin ashady. Gazetter men jýrnaldardyń elektrondyq analogtaryn qurý, menshikti ınternet-resýrstar ashý, olardy online rejıminde taratý Qazaqstan týraly aqparat qyzyqtyratyn el azamattaryna, sondaı-aq, sheteldik ınternet paıdalanýshylar úshin aqparat kózderin keńeıtýge múmkindikter beredi. Sonymen qatar, BAQ-tyń Internetke shyǵýy olardyń jumystaryn jedeldetýdiń deńgeıin arttyrýǵa yqpalyn tıgizedi. 3-strategııalyq baǵyt. Qazaqstan halqyn biriktirý faktory retinde tózimdi tildik orta qurý. 1. Retteletin salany nemese qyzmet aıasyn damytýdyń negizgi parametrleri. Sala ınfraqurylymynyń jaı-kúıi. Shaısultan Shaıahmetov atyndaǵy Tilderdi damytýdyń respýblıkalyq úılestirý-ádistemelik ortalyǵy jumys isteıdi. Tilderdi úıretý ortalyqtarynyń óńirlik jelisi: 2005 jyly – 8, 2006 jyly – 12, 2007 jyly – 36, 2008 jyly – 45, 2009 jyly – 93, 2010 jyly – 101, 2011 jyly – 132, 2012 jyly – 130 ortalyqty qurady. Salanyń tabystary jáne jetistikteri. 2013 jyly Qazaqstan Respýblıkasynda tilderdi qoldaný men damytýdyń 2011 – 2020 jyldarǵa arnalǵan memlekettik baǵdarlamasyn iske asyrýdyń birinshi kezeńi aıaqtaldy. Osy kezeń sheńberinde tilderdi qoldaný men damytýdyń normatıvtik-quqyqtyq jáne ádistemelik bazasyn ári qaraı jetildirýge baǵyttalǵan birtutas sharalar keshenin júrgizý qamtamasyz etildi. Nátıjesinde tildik quzyrettilik standarttaryn tolyq ázirleý qamtamasyz etildi: «Qazaq tili shet tili nemese ekinshi til retinde» úzdiksiz bilim berý modeli arqyly qazaq tilin oqytýdyń úlgi baǵdarlamalarynyń jobasy men oqý-ádistemelik kesheni qalyptastyryldy. Qazaq tilin ıgerý standarttary, leksıkalyq mınımýmy, grammatıkalyq anyqtaǵyshy, ınteraktıvti synaqtyq testileý baǵdarlamalary, 5 deńgeılik «Til qural» oqý-ádistemelik kesheni (A1 – tildi qarapaıym paıdalaný deńgeıi, A2 – bazalyq deńgeı, V1 – orta deńgeı, V2 – ortadan joǵary deńgeı, S1 – joǵary deńgeı) basyp shyǵaryldy, olar barlyq memlekettik organdar men memlekettik tildi oqytý ortalyqtaryna taratyldy. Qoldanystaǵy www.kazakhtest.kz resmı saıty betterinde on-laın rejıminde testileýden ótkizý uıymdastyryldy. 2013 jyly «Til ortalyqtaryn akkredıtteý júıesiniń ádisnamasy» jobasy boıynsha til ortalyqtaryn akkredıtteý ádisnamasy, syrtqy saraptama júrgizý ádistemesi, standarttar men krıterııler, akkredıtteýge arnalǵan basshylyq ázirlendi. Qazaq tilinde ár túrli ádebıetti basyp shyǵarý jalǵastyrylýda. 25 tomdyq «Álemdik klassıka», balalarǵa arnalǵan 15 tomdyq «Álem balalar ádebıetiniń injý-marjandary», 60 tomdyq kishkentaı balalarǵa arnalǵan «Ertegiler elinde», balalarǵa arnalǵan ǵylymı-tanymdyq «Men oqyǵandy unatamyn» 64 tomdyq jınaǵy, 5 tomdyq «Qazaq balalar ádebıetiniń klassıkalyq úlgileri», 15 tomdyq ádebı qazaq tili (túsindirmeli sózdik) sózdigi jáne t.b. ádebıetter shyǵaryldy. Atalǵan ádebıetter respýblıkanyń barlyq óńirlerine taratyldy. Shyǵarylǵan oqý-ádistemelik, ǵylymı, anyqtamalyq, pýblısıstıkalyq ádebıetter arasynda qazaqsha-oryssha, oryssha-qazaqsha 10 tomdyq termınologııalyq sózdik, «Qazaq tili. «Tildaryn» A-1 deńgeıi» ǵylymı-ádistemelik kesheni, «Sýretti qazaq tili» oqý quraly, «Qazaq qolóneri atalymdarynyń túsindirme sózdigi», «О́simdik ataýlarynyń túsindirme sózdigi», «Arabsha-oryssha-qazaqsha, qazaqsha–oryssha-arabsha halyqaralyq qatynastar jáne saıası leksıka sózdigi», «Sıtologııa, embrıologııa, gıstologııa, anatomııa termınderiniń túsindirmeli aqparattyq sózdigi», «Hımııa. Balalarǵa arnalǵan ensıklopedııalyq anyqtamalyq» jáne birqatar basqa materıaldar bar. Barlyǵy 2013 jyly 85 baspa jobasy iske asyryldy, olardyń ishinde 36 oqý-ádistemelik qural, 19 ataýly balalarǵa arnalǵan kitap, 20 salalyq sózdik jáne 10 týyndy shyǵarmalar. Birqatar telejobalar shyǵaryldy: «Biz qazaqsha sóıleımiz» realıtı-shoý, «Qazaqsha sóıleımiz» qazaq tilinde sóıleıtin ózge ult ókilderiniń qatysýymen oıyn-saýyq baǵdarlamasy, «Qazaqsha ońaı – Kazahskıı legko» qazaq tilin oqytý jónindegi sabaqtar jáne t.b. Onomastıka salasynda 2013 jyly 21 qańtarda «Qazaqstan Respýblıkasynyń keıbir zańnamalyq aktilerine onomastıka máseleleri boıynsha ózgerister men tolyqtyrýlar engizý týraly» Qazaqstan Respýblıkasynyń Zańy qabyldandy. Termınologııa salasynda salalyq termınologııalyq toptarmen jumystar jolǵa qoıyldy. Jańa termınderge saraptama júrgizý jáne olardy Respýblıkalyq termınologııalyq komıssııa otyrystarynda bekitýmen qatar 30 tomdyq termınologııalyq sózdik boıynsha jumystar bastaldy. Is júrgizýdi memlekettik tilge kezeń-kezeńmen aýystyrý sheńberinde memlekettik tilde is júrgizýdi monıtorıngileýdiń avtomattandyrylǵan júıesiniń jumysy qamtamasyz etildi. Memlekettik organdardaǵy memlekettik tildegi is júrgizýdiń úlesi qujat aınalymynyń jalpy kóleminde 84 % quraıdy. Vızýaldy ónimdi resimdeý kezinde til saıasaty salasyndaǵy zańnamany buzǵany úshin jaýapkershilikti kúsheıtý maqsatynda «Qazaqstan Respýblıkasynyń keıbir zańnamalyq aktilerine onomastıka máseleleri ózgerister men tolyqtyrýlar engizý týraly» Qazaqstan Respýblıkasynyń Zańyna jergilikti atqarýshy organdardyń tıisti baqylaý júrgizý quzyreti engizildi. Tózimdi tildik ortany qalyptastyrý. El boıynsha etnomádenı birlestikter janynda 190 jeksenbilik mektep jumys isteıdi, olarda Qazaqstanda turatyn 30-ǵa jýyq etnostardyń ókilderi ana tiline oqytylady. Barlyq til ortalyqtarynda azamattardyń barlyq sanattary, sonyń ishinde áleýmettik osal sanaty úshin qazaq jáne aǵylshyn tilderin oqytý júrgiziledi. Jeksenbilik mektepter úshin olardyń oqytý tilderinde oqýlyqtardy qurastyrý jáne basyp shyǵarý máselesi pysyqtalýda. 2. Negizgi problemalardy taldaý. Birinshi. Qoǵamdaǵy memlekettik tildi meńgerý deńgeıiniń árkelki bolýy. Ekinshi. Qazaqstandyq qoǵamdaǵy tildik mádenıettiń tómendeýi. Úshinshi. Qazaqstandyqtardyń lıngvıstıkalyq kapıtalyn saqtaý jáne nyǵaıtý qajettiligi. 3. Negizgi ishki jáne syrtqy faktorlardy baǵalaý. Qazaq tilin oqytatyn oqytýshylar men mamandardyń daıyndyq deńgeıiniń tómendigi, memlekettik tildi meńgerý prosesin yntalandyrý jáne monıtorıngileý júıesiniń joqtyǵy qoǵamda memlekettik tildi meńgerý deńgeıin arttyrýda tejegish faktor bolyp otyr. Elimizdiń áleýmettik-kommýnıkatıvtik keńistigine memlekettik tildi engizý prosesindegi mańyzdy faktor retinde onyń halyqaralyq qatynas, bos ýaqyt pen oıyn-saýyq salasyndaǵy belsendi qoldanylýy, onyń zań, ǵylym jáne jańa tehnologııalar tili retinde damýy, memlekettik tilde sóıleýdiń bedelin arttyrý men ony otbasylyq qundylyq retinde dáriptelýi bolyp tabylady. Qazaqstandyq qoǵamnyń tildik mádenıetin arttyrý, lıngvıstıkalyq kapıtalyn nyǵaıtý salasynda termınologııa, antroponımıka jáne onomastıka salasyndaǵy máselelerdi sheshý, sóıleý men jazý mádenıetin jetildirýge yqpal etý, sondaı-aq tózimdi tildik orta qurý basymdyqqa ıe bolyp tabylady. 4-strategııalyq baǵyt. Memlekettilikti jáne el birligin odan ári nyǵaıtý, ishki saıası turaqtylyqty qamtamasyz etý. 1. Retteletin salany nemese qyzmet aıasyn damytýdyń negizgi parametrleri. Qoǵamdyq-saıası sala ınfraqurylymynyń jaı-kúıi. Respýblıkada 9 saıası partııa, 818 etnomádenı birlestik (budan ári – EMB), 25 000 astam úkimettik emes uıym (budan ári – ÚEU) jáne birqatar kásiptik odaqtar jumys isteıdi. Tabystar men jetistikter. Elimizde bolyp jatqan qoǵamdyq-saıası úderisteri, etnosaralyq qarym-qatynastar damýynyń jaı-kúıi men betalysyn júıeli zerdeleý maqsatynda Mınıstrlik jaǵdaıdy júıeli monıtorıngileý tetigin jolǵa qoıdy. El damýynyń negizgi basymdyqtaryn, strategııalyq baǵdarlamalyq qujattardy túsindirýge baǵyttalǵan aqparattyq-nasıhattyq is-sharalar ótkizýge qatysty turaqty túrde jumys júrgizilip keledi. Áleýmettanýshylyq derekterge sáıkes memlekettik saıasattyń baǵdarlamalyq qujattary men negizgi damý baǵyttary týraly halyqtyń habardar bolý deńgeıi 86,1 %-dan astamdy qurady. Mınıstrliktiń úılestirýshilik róliniń aıasynda bıliktiń, bıznes pen ÚEU negizgi áleýmettik áriptestiginiń negizi bolǵan, 2006 – 2011 jyldarǵa arnalǵan Azamattyq qoǵamdy damytýdyń tujyrymdamasy tıimdi iske asyryldy. Nátıjesinde, zań jobalaryn ázirleýge, baǵdarlamalardy iske asyrýǵa, elimizdiń mańyzdy damý máseleleri boıynsha qoǵamdyq tyńdaýlar ótkizýge ÚEU keńinen tartý kúndelikti tájirıbege aınaldy. Memleket pen ÚEU-dyń áriptestiginiń basymdyqtaryn aıqyndaıtyn azamattyq forýmdar turaqty negizde ótkiziledi. 2011 jyldan bastap barlyq múddeli memlekettik organdardyń strategııalyq josparlaryna olardyń azamattyq sektormen ózara is-qımyldarynyń tıimdiligi ındıkatorlary engizildi. Memlekettik áleýmettik tapsyrys qarajatynan barlyq respýblıkalyq shyǵarmashylyq odaqtar, Qazaqstan halqy Assambleıasynyń qory, Dúnıejúzi qazaqtarynyń qaýymdastyǵy, «Bolashaq» prezıdenttik baǵdarlamasy túlekteriniń qaýymdastyǵy, Isker áıelder qaýymdastyǵy, Qazaqstan jastarynyń kongresi jáne kóptegen basqa da áıelder, jastar ÚEU qarjylandyrylady. 2013 jyly mınıstrlik 60-tan asa jobany iske asyrdy, onyń ishinde absolıýttik kópshiligi Eldiń 2050 jylǵa deıingi damý strategııasyn, Memleket basshysynyń jyl saıynǵy joldaýlaryn iske asyrý úshin búkil qoǵamǵa keńirek túsindirý jáne jumyldyrýǵa baǵyttalǵan. Memleket basshysynyń «Qazaqstandy áleýmettik jańǵyrtý: jalpyǵa ortaq eńbek qoǵamyna qaraı jıyrma qadam» maqalasynda berilgen tapsyrmasyna sáıkes Qazaqstan Respýblıkasynda ulttyq, memlekettik, kásiptik jáne ózge de merekelerge daıyndyq júrgizý men ótkizý jónindegi usynymdar daıyndaldy jáne bekitildi (2013 jylǵy 15 qańtardaǵy № 1). Zańnamalyq bazany jetildirý. 2012 jylǵy 1 qańtardan bastap «Qazaqstan Respýblıkasynyń keıbir zańnamalyq aktilerine memlekettik áleýmettik tapsyrys máseleleri boıynsha ózgerister men tolyqtyrýlar engizý týraly» Qazaqstan Respýblıkasynyń Zańy qoldanylady, onyń sheńberinde Mádenıet jáne aqparat mınıstrligi memlekettik áleýmettik tapsyrysty iske asyrý salasyndaǵy ýákiletti organ bolyp aıqyndalǵan. Memlekettik áleýmettik tapsyrystyń salalyq reglamenttelýi jáne ony monıtorıngileý rásimin jetildirý normatıvtik turǵydan bekitilgen. 2. Negizgi problemalardy taldaý. Birinshi. Halyq arasynda aqparattyq-nasıhattyq jumys júrgizý ádisnamasyn jetildirý, sondaı-aq «dıalogtyq alańdar» qyzmetin qamtamasyz etý salasynda da ádisnamalyq baza qurý qajettigi týyndap otyr. Ekinshi. Memlekettik rámizder salasyndaǵy zańnamanyń múltiksiz saqtalýyn qamtamasyz etý tájirıbesin jetildirý talap etiledi. Úshinshi. Memlekettik áleýmettik tapsyrysty qalyptastyrý jáne ornalastyrý salasyndaǵy uıymdastyrý-ádistemelik qamtamasyz etý odan ári jetildirýdi talap etedi. 3. Negizgi ishki jáne syrtqy faktorlardy baǵalaý. Memlekettiń basty mindetteriniń biri halyqtyń keń qabatymen tıimdi ıdeologııalyq jumys júrgizý ekendigin eskere otyryp, aqparattyq-nasıhattyq qyzmetterdi uıymdastyrýdyń tetikteri men ádisterin ári qaraı jetildirý, osy salada azamattyq qoǵam ınstıtýttarymen yntymaqtastyqty keńeıtý, qazirgi zaman talabyna saı keletin ádisnamalyq jáne tehnıkalyq bazany ázirleý jáne engizý talap etiledi. 3. Ctrategııalyq baǵyttar, maqsattar, mindetter, nysanaly ındıkatorlar, is-sharalar jáne nátıjeler kórsetkishteri 3.1. Ctrategııalyq baǵyttar, maqsattar, mindetter, nysanaly ındıkatorlar, is-sharalar jáne nátıjeler kórsetkishteri Ataýy Aqparat kózi О́lshem birligi Esepti kezeń Josparly kezeń 2012 jyl 2013 jyl 2014 jyl 2015 jyl 2016 jyl 2017 jyl 2018 jyl 1 2 3 4 5 6 7 8 9 10 1-strategııalyq baǵyt. Mádenıet jáne óner salasynyń básekege qabilettiligin arttyrý 1.1-maqsat. Otandyq mádenıetti elde jáne shetelderde tanymal etý Osy maqsatqa qol jetkizýge baǵyttalǵan bıýdjettik baǵdarlamalardyń kody (003, 005, 006, 007, 008, 009, 010, 012, 013, 014, 015, 016) Nysanaly ındıkatorlar Mádenıet salasyndaǵy qyzmetter sapasyna turǵyndar- dyń qanaǵattaný deńgeıi áleýmettanýshylyq zertteýler % 65,4 66 67 68 69 70 70 El ishinde jáne shetelde ótkizilgen áleýmettik mańyzdy jáne mádenı is-sharalardyń sany vedomstvolyq baǵynysty uıymdardyń esepteri birlik - 49 50 42 38 38 38 1.1.1-mindet. «Mádenı mura» ulttyq strategııalyq jobasyn iske asyrý sheńberinde tarıhı-mádenı murany saqtaý jáne tanymal etý Tikeleı nátıjeler kórsetkishteri Respýblıkalyq jáne jergilikti mańyzy bar tarıhı jáne mádenı eskertkishterdiń memlekettik tizimderine engen obektilerdiń jalpy sanynyń qalpyna keltirilgen, restavrasııalanǵan jáne konservasııadan ótken mádenı mura obektileriniń úlesi vedomstvolyq baǵynysty uıymdardyń esepteri % 0,86 0,98 1,13 1,29 1,44 1,6 1,76 Tarıhı-mádenı muralardy elde jáne shetelderde tanymal etýge baǵyttalǵan is-sharalardyń jyl saıynǵy sany vedomstvolyq baǵynysty uıymdardyń esepteri birlik 239 168 140 157 175 173 175 «Mádenı mura» jobalary týraly halyqtyń habardar bolý deńgeıi áleýmettanýshylyq zertteýler % 76,6 77 78 80 81 82 83 Tikeleı nátıjeler kórsetkishterine qol jetkizýge arnalǵan is-sharalar Josparly kezeń 2014 jyl 2015 jyl 2016 jyl 2017 jyl 2018 jyl Qazaqstannyń tarıhı-mádenı murasyn keshendi zerdeleý H H H H H Tarıhı-mádenı muranyń saqtalýyn qamtamasyz etý H H H H H El ishinde jáne shetelde ulttyq tarıhı murany nasıhattaý H H H H H Aqparattyq-tanymdyq veb-portaldardy Qazaqstannyń tarıhı-mádenı murasy týraly kontenttermen tolyqtyrý H H H H H 1.1.2-mindet. Mádenı qundylyqtarǵa turǵyndardyń qol jetimdiligin arttyrý Tikeleı nátıjeler kórsetkishteri Mádenıet uıymdaryna 1000 adamǵa shaqqandaǵy kelýshilerdiń ortasha sany: kitaphanaǵa kelýshiler teatrǵa kelýshiler murajaıǵa kelýshiler Statıstıka agenttiginiń derekteri birlik 277 144 272 273 126 262 275 127 264 277 129 266 279 131 268 281 133 270 283 135 272 Sıfrlyq formatqa kóshirilgen ulttyq kitaphanalyq qordyń úlesi vedomstvolyq baǵynysty uıym- dardyń esepteri % - 13 26 38 51 64 76 «Qazaqstan kitaphanasy» memlekettik elektrondyq kitaphana qory» aqparattyq júıesine qatysýshylyq kazneb.kz portalyna kirýdi esepke alýdyń elektrondyq júıesi myń birlik 66 52 68 69 70 71 72 Tikeleı nátıjeler kórsetkishterine qol jetkizýge arnalǵan is-sharalar Josparly kezeń 2014 jyl 2015 jyl 2016 jyl 2017 jyl 2018 jyl Memlekettik mádenıet uıymdaryn materıaldyq-tehnıkalyq qamtamasyz etý H H H H H Mádenıet nysandaryn salý jáne rekonstrýksııalaý H H H H H Mádenıet nysandarynyń qyzmet etýin qamtamasyz etý H H H H H Memlekettik mádenıet uıymdary kadrlarynyń biliktiligin arttyrý jáne qaıta daıarlaý H H H H H «Qazaqstan kitaphanasy» memlekettik elektrondyq kitaphana qorynyń kontentin tolyqtyrý H H H H H 1.1.3-mindet. Otandyq mádenıet óniminiń qyzmetin naryqta jyljytý Tikeleı nátıjelerdiń kórsetkishteri Jalpy kınoprokat kólemindegi otandyq fılmderdiń úlesi kınoteatrlar repertýarynyń monıtorıngi % 4,6 4 5 5 5 5 5 Respýblıkalyq teatrlardaǵy jańa teatrlyq qoıylymdardyń sany (jyldyq kesim) vedomstvolyq baǵynysty uıymdardyń esepteri birlik 44 32 35 31 30 30 30 Elde jáne shetelderde taǵylymdamadan ótken mádenıet mekemeleri qyzmetkerleriniń sany vedomstvolyq baǵynysty uıymdardyń esepteri birlik - 23 33 33 33 23 23 Tikeleı nátıjeler kórsetkishterine qol jetkizýge arnalǵan is-sharalar Josparly kezeń 2014 jyl 2015 jyl 2016 jyl 2017 jyl 2018 jyl Mádenıet salasyndaǵy qaıratkerlerdi yntalandyrý (talantty tulǵalardy, daryndy jastardy qoldaý, mádenıet qaıratkerlerine memlekettik syılyqtar men stıpendııalardyń tólenýin qamtamasyz etý) H H H H H Memlekettik mádenıet uıymdary kadrlarynyń biliktiligin arttyrý jáne qaıta daıarlaý H H H H H Áleýmettik-mańyzdy, mádenı, sondaı-aq jastardy quqyqtyq tárbıeleýge baǵyttalǵan is-sharalardy júrgizý H H H H H Ulttyq fılmder shyǵarý H H H H H Qazaqstan Respýblıkasynyń Memlekettik mádenı saıasatynyń tujyrymdamasyn bekitý - H - - - Ataýy Aqparat kózi О́lshem birligi Esepti kezeń Josparly kezeń 2012 jyl 2013 jyl 2014 jyl 2015 jyl 2016 jyl 2017 jyl 2018 jyl 2-strategııalyq baǵyt. Otandyq aqparattyq keńistiktiń básekege qabilettiligin arttyrý 2.1-maqsat. Memlekettik aqparattyq saıasatty, muraǵat jáne baspa isin iske asyrýdyń tıimdiligin arttyrý Osy maqsatqa qol jetkizýge baǵyttalǵan bıýdjettik baǵdarlamalardyń kody (006, 018, 019, 020, 021) Nysanaly ındıkatorlar Otandyq aqparattyq ónimderge tutynýshylardyń suranys deńgeıi áleýmettanýshylyq zertteýler % 61,2 52 62 63 64 65 66 Muraǵattyq aqparatty paıdalanýshylardyń qanaǵattanǵan suraýlarynyń úlesi vedomstvolyq baǵynysty uıymdardyń esepteri % 86 85 87 88 89 90 90 2.1.1-mindet. Memlekettik aqparattyq saıasatty BAQ arqyly iske asyrý Tikeleı nátıjeler kórsetkishteri Memlekettik tapsyrys sheńberinde shyǵarylǵan otandyq baspa BAQ materıaldarynyń kólemi (gazetter) oryndalǵan jumystardyń aktileri A-2 forma-tyndaǵy jolaq 16 047 14 372 11 318 11 318 11 318 11 318 11 318 Memlekettik tapsyrys sheńberinde Internet resýrstaryna ornalastyrylǵan materıaldarynyń kólemi oryndalǵan jumystardyń aktileri A-2 forma- tyndaǵy jolaq - - 1 687 1 687 1 687 1 687 1 687 Memlekettik tapsyrys sheńberinde shyǵarylǵan otandyq baspa BAQ materıaldarynyń kólemi (jýrnaldar) oryndalǵan jumystardyń aktileri esept. shyǵarý par. 1 550 875 966 966 966 966 966 Memlekettik tapsyrysty iske asyrý sheńberinde shyǵarylǵan televızııalyq jáne radıobaǵdarlamalardyń kólemi oryndalǵan jumystardyń aktileri saǵ. 102 794 115 392 120 897 120 897 120 897 120 897 120