2013 jylǵy 29 qarasha, Astana qalasy
Qazaqstan Respýblıkasy Básekelestikti qorǵaý agenttiginiń
(Monopolııaǵa qarsy agenttik) ortalyq apparaty jáne aýmaqtyq bólimsheleri qyzmetkerleriniń qyzmet etıkasy qaǵıdalaryn bekitý týraly
«Qazaqstan Respýblıkasy memlekettik qyzmetshileriniń Ar-namys kodeksi týraly» Qazaqstan Respýblıkasy Prezıdentiniń 2005 jylǵy 3 mamyrdaǵy № 1567 Jarlyǵyna ózgerister engizý týraly» Qazaqstan Respýblıkasy Prezıdentiniń 2013 jylǵy 1 qazandaǵy Jarlyǵynyń 2-tarmaǵyna sáıkes buıyramyn:
1. Qazaqstan Respýblıkasy Básekelestikti qorǵaý agenttiginiń (Monopolııaǵa qarsy agenttik) ortalyq apparaty jáne aýmaqtyq bólimsheleri qyzmetkerleriniń qyzmet etıkasy qaǵıdalary bekitilsin.
2. Qazaqstan Respýblıkasy Básekelestikti qorǵaý agenttiginiń (Monopolııaǵa qarsy agenttik) (budan ári - Agenttik) Ákimshilik departamenti (Q.M. Qaldyqaraev) osy buıryqtyń Qazaqstan Respýblıkasy Ádilet mınıstrliginde memlekettik tirkelýin jáne zańnamada belgilengen tártippen resmı jarııalanýyn qamtamasyz etsin.
3. Agenttiktiń Ákimshilik departamenti (Q.M. Qaldyqaraev) osy buıryqty Agenttiktiń qurylymdyq jáne aýmaqtyq bólimsheleriniń nazaryna jetkizsin.
4. Osy buıryqtyń oryndalýyn baqylaý Agenttiktiń jaýapty hatshysy N.Á. Ábdige júktelsin.
5. Osy buıryq qol qoıylǵan kúninen bastap qoldanysqa engiziledi.
Tóraǵa B.Qýandyqov.
Qazaqstan Respýblıkasy Básekelestikti qorǵaý agenttigi (Monopolııaǵa qarsy agenttik) tóraǵasynyń 2013 jylǵy 29 qarashadaǵy №275-NQ buıryǵymen bekitilgen
Qazaqstan Respýblıkasy Básekelestikti qorǵaý agenttigi (Monopolııaǵa qarsy agenttik) memlekettik qyzmetshileriniń qyzmet etıkasy qaǵıdalary
1. Qazaqstan Respýblıkasy Básekelestikti qorǵaý agenttigi (Monopolııaǵa qarsy agenttik) memlekettik qyzmetshileriniń qyzmettik etıkasynyń osy qaǵıdalary (budan ári - Qaǵıdalar) «Qazaqstan Respýblıkasy Memlekettik qyzmetshileriniń Ar-namys kodeksi týraly» (budan ári – Ar-namys kodeksi) Qazaqstan Respýblıkasy Prezıdentiniń 2005 jylǵy 3 mamyrdaǵy № 1567 Jarlyǵyna ózgerister engizý týraly» Qazaqstan Respýblıkasy Prezıdentiniń 2013 jylǵy 1 qazandaǵy № 651 Jarlyǵynyń 2-tarmaǵyna, «Memlekettik qyzmet týraly» Qazaqstan Respýblıkasynyń Zańyna jáne «Sybaılas jemqorlyqpen kúres týraly» Qazaqstan Respýblıkasynyń Zańyna (budan ári – memlekettik qyzmet salasynda jáne sybaılas jemqorlyqpen kúres týraly zańnama) sáıkes ázirlendi.
2. Qaǵıdalar Qazaqstan Respýblıkasy Básekelestikti qorǵaý agenttigi (Monopolııaǵa qarsy agenttik) men onyń aýmaqtyq bólimsheleriniń memlekettik qyzmetshileri (budan ári – Agenttiktiń memlekettik qyzmetshileri) ózderiniń qyzmettik mindetterin atqarýy barysynda áriptesterimen jáne azamattarmen ózara qarym-qatynas kezinde minez-qulqynyń negizgi normalaryn aıqyndaıdy.
3. Agenttiktiń memlekettik qyzmetshileri óziniń qyzmetinde:
1) zańdylyq qaǵıdattaryn, Qazaqstan Respýblıkasy Konstıtýsııasynyń, zańdary men ózge de normatıvtik quqyqtyq aktileriniń talaptaryn basshylyqqa alǵany;
2) adaldyq, tártip, jaýapkershilik, belsendilik, bastamashylyq tanytýǵa jáne kelissózder (kezdesýler) barysynda basqa tulǵalarǵa shydamdylyq, sypaıylyq, ádeptilik jáne qurmet kórsetkeni;
3) tegine, áleýmettik, laýazymdyq jáne múliktik jaǵdaıyna, jynysyna, násiline, ultyna, tiline, dinge kózqarasyna, nanymyna, turǵylyqty jerine jáne ózge de jaǵdaılarǵa qaramastan adam men azamattyń ary men namysyn qurmettegeni;
4) Qazaqstan halqynyń birligi men eldegi ultaralyq kelisimdi nyǵaıtýǵa yqpal etýge, memlekettik tilge jáne basqa tilderge, Qazaqstan halqynyń salttary men dástúrlerine qurmetpen qaraǵany;
5) adal, ádil, qarapaıym da sypaıy bolýǵa, jalpy qabyldanǵan moraldyq-etıkalyq normalardy saqtaýǵa, azamattarmen jáne áriptestermen qarym-qatynasta sypaıylyq pen ádeptilik tanytqany;
6) óziniń is-áreketterimen qoǵam tarapynan negizdi synǵa sebepker bolmaýǵa, synaǵany úshin qýdalaýǵa jol bermeýge, oń syn-eskertpelerdi kemshilikterdi joıý men óziniń qyzmetin jaqsartý úshin paıdalanǵany;
7) memlekettik menshiktiń saqtalýyn qamtamasyz etedi, senip tapsyrylǵan memlekettik menshikti, avtokólik quraldaryn qosa alǵanda utymdy, tıimdi jáne qyzmettik maqsatta ǵana paıdalanǵany;
8) óz mindetterin tıisti dárejede oryndaýǵa, naqty qalyptasqan jaǵdaıdy eskere otyryp, jumysty uıymdastyrǵany jáne josparlaǵany;
9) jumys ýaqytyn tıimdi paıdalanýǵa jáne basqa memlekettik qyzmetshilerge ujymda ózderiniń eńbek mindetterin oryndaýyna kedergi keltiretin is-qımyldardan aýlaq bolǵany;
10) qyzmettik dáreje satysyn saqtaǵany;
11) múddeler shıelenisiniń aldyn alý jáne retteý boıynsha sharalar qabyldaǵany;
12) óziniń qyzmettik mindetterin atqarý kezeńinde kıim kııýdiń iskerlik stılin ustanǵany;
13) óziniń qyzmettik mindettemelerin oryndaǵan kezde, memlekettik qyzmetshilerdiń bastamashylyǵyn qoldaýǵa jáne kótermelegeni;
14) qyzmettik mindetterin tıimdi oryndaý úshin óziniń kásibı deńgeıi men biliktiligin arttyrǵany;
15) Ar-namys kodeksinde belgilengen sybaılas jemqorlyq tártibin saqtaǵany jón.
4. Agenttiktiń memlekettik qyzmetshileri memlekettik saıasat jáne qyzmettik isiniń máseleleri jónindegi óz pikirin, eger ol:
1) memleket saıasatynyń negizgi baǵyttaryna sáıkes kelmese;
2) jarııalaýǵa ruqsat etilmegen qyzmettik aqparatty ashatyn bolsa;
3) memlekettiń laýazymdy tulǵalarynyń, memlekettik basqarý organdarynyń, basqa memlekettik qyzmetshilerdiń atyna ádepke saı emes sózder aıtýdan tursa, kópshilik aldynda bildirýine bolmaıdy.
5. Agenttikte memlekettik qyzmet jáne eńbek salasyndaǵy Qazaqstan Respýblıkasynyń zańnamasynda belgilengen jaǵdaılardy qospaǵanda, kadrlyq sheshimderdi qabyldaǵan kezde memlekettik qyzmetshilerge kemsitýdiń kez-kelgen nysandaryna, sondaı-aq jekelegen memlekettik qyzmetshilerge tamyr-tanystyq, artyqshylyqtar men jeńildikterdiń kez-kelgen nysanyna jol berilmeıdi.
6. Agenttiktiń memlekettik qyzmetshisi qyzmetten tys ýaqytta:
1) qyzmetten tys ýaqytta jalpy qabyldanǵan moraldyq-etıkalyq normalardy ustanýǵa, qoǵamǵa jat minez-qulyq jaǵdaılaryna jol bermeýi;
2) qarapaıymdylyq tanytýǵa jáne óziniń jeke ómirinde teris qoǵamdyq pikir týǵyzatyn is-áreketterge jol bermeýi;
3) Agenttik memlekettik qyzmetshisiniń joǵary ataǵyna kir keltirýi múmkin kez-kelgen jeke baılanystardan qashýy qajet.
Qyzmetten tys qatynastarda Agenttiktiń memlekettik qyzmetshileri osy Qaǵıdalardyń jáne memlekettik qyzmet salasynda jáne sybaılas jemqorlyqpen kúres týraly zańnamanyń talaptaryn saqtaǵany jáne Agenttiktiń memlekettik qyzmetshisiniń bedeline, namysyna nuqsan keltirýi nemese onyń aqıqattyǵyna, ádildigine, obektıvtiligine jáne ádil synshyldyǵyna kúmán keltirýi múmkindikterinen qashqany jón.
Buıryq Qazaqstan Respýblıkasynyń Ádilet mınıstrliginde 2013 jylǵy 25 jeltoqsanda Normatıvtik quqyqtyq kelisimderdi memlekettik tirkeýdiń tizilimine №9021 bolyp engizildi.