«Talıban» qozǵalysynyń joǵarǵy kóshbasshysy Haıbatýlla Ahýnzada jetekshilik jasaǵannan beri alǵash ret kópshilik aldyna shyqty, dep habarlaıdy Egemen.kz.
Lańkestik top ókilderiniń aıtýynsha, 30 qazanda Ahýnzada Aýǵanstannyń ońtústigindegi Kandagar qalasyndaǵy «Darýl Ýlým Hakım» medresesine barǵan. Ol óz sózin «erjúrek sarbazdar men shákirtterge» arnaımyn dep bastady. «Talıban» jetekshisiniń sóılegen sózinde tek dinge qatysy bar áńgimeler aıtylǵan, saıası málimdemeler bolǵan joq.
«20 jyl boıy kápirler men zalymdarǵa qarsy kúresken Aýǵanstannyń ezilgen halqyna Alla saýabyn bersin. Meniń mundaǵy nıetim sizder úshin duǵa etý, al sizder maǵan duǵa etińiz», dedi Ahýnzada.
Ol sondaı-aq, eldi qalpyna keltirý jolynda «Talıbandy» úlken synaq kútip turǵanyn aıtty.BAQ ókilderi Ahýnzada ótkizgen jıyn qatań kúzetpen ótkendikten foto, vıdeo ala almaǵan.
Dinı lıder Haıbatýlla Ahýnzada 2016 jyly AQSh-tyń ushqyshsyz ushaǵy soqqysynan beri «Talıban» qozǵalysyn basqardy. Ol qarýly toptyń barlyq saıası, dinı jáne áskerı isterindegi eń joǵarǵy laýazymda otyr. Tálipter qatarynda ol áskerı qolbasshydan góri rýhanı kóshbasshy bolyp sanalady.