11-12 sáýir kúnderi elimizdiń eki óńirinde qazaqy tazynyń tuqymdyq baıqaýlary ótti. Baıqaý Almaty oblysy Jambyl aýdanyndaǵy Uzynaǵash aýylynda jáne Jetisý oblysy Panfılov aýdanyndaǵy Jarkent qalasynda uıymdastyryldy, dep jazady Egemen.kz.
Uzynaǵashtaǵy tuqymdyq baıqaýǵa 53 qazaqy tazy tirkeldi. Saraptama qorytyndysy boıynsha 9 ıt «óte jaqsy», 1 ıt «jaqsy» degen joǵary baǵa aldy. Jarkentte de tuqymdyq baıqaýǵa 53 qazaqy tazy tirkeldi. Baǵalaý qorytyndysy boıynsha 14 ıt «óte jaqsy», 6 ıt «jaqsy» degen baǵa aldy. Saraptamalyq baǵalaý qorytyndysy boıynsha jalpy 30 ıtke tuqymyn rastaıtyn tegi týraly kýálik beriledi.
Qazaqstanda ıesiz janýarlardy tegin vaksınasııalaý toqtatylady
Tuqymdyq baıqaýlar barysynda Qazaqstan kınologtar odaǵynyń sarapshylary ıtterdiń resmı tuqym standartyna sáıkestigin baǵalap, olardyń tuqymdylyǵyn rastady jáne esepke qoıý úshin qajetti qujattardy rásimdedi. Qatysýshylar belsendi túrde suraq qoıyp, óz ıtteriniń eksterer erekshelikterine qyzyǵýshylyq tanytty, olardyń qazaqy tazy standartyna qanshalyqty sáıkes keletinin naqtylady. Sarapshylar standart talaptaryn yqylaspen túsindirip, qajetti málimettermen bólisti. Sondyqtan bul kópshilik úshin jaı ǵana baǵalaý emes, paıdaly tájirıbelik keńes alý múmkindigi de boldy.
Janýarlardy qaýipti aýrýlarǵa qarsy vaksınasııalaý bastaldy
Sondaı-aq qatysýshylar bir-birimen erkin áńgimelesip, tazyny kútip-baǵý jáne ósirý tájirıbesimen bólisti, óz ıtteriniń minezi men jumys qasıetteri týraly áńgimeledi. Sonyń arqasynda bul eki tuqymdyq baıqaý jaı ǵana zootehnıkalyq is-shara emes, ulttyq tuqymǵa qurmetpen qaraıtyn jáne ony keler urpaqqa saqtap qalýdy kózdeıtin adamdardyń jandy basqosýyna aınaldy.