Iran tarapy AQSh kemeleriniń Ormuz buǵazyna kirýine jol bermegenin málimdedi. Bul qadam Donald Tramp amerıkalyq teńiz kúshteri óńirde kemelerge ilesip júrýdi bastaıtynyn jarııalaǵannan keıin jasalǵan, dep habarlaıdy Egemen.kz.
Euronews dereginshe, Irannyń Tasnım agenttigi bul týraly qysqasha habarlap, qosymsha aqparat keıinirek jarııalanatynyn jetkizgen.
Gennadıı Onıshenko: Ormuz buǵazy ashylmasa dári-dármek qymbattaıdy
Irandyq BAQ ókilderi buǵazda AQSh fregatyna eki zymyran atylǵanyn habarlaǵanymen, AQSh Ortalyq qolbasshylyǵy bul aqparatty joqqa shyǵaryp, amerıkalyq kemelerdiń zaqymdanbaǵanyn málimdedi.
Tramp Iranǵa qarsy soǵystyń aıaqtalǵanyn málimdedi
Sonymen qatar, Birikken Arab Ámirlikteri Iran ADNOC kompanııasyna tıesili tankerge eki dron jibergenin aıtyp, bul áreketti aıyptady.
Irannyń IRNA memlekettik aqparat agenttigi Tramptyń bastamasyn synǵa alyp, Iran áskerı basshylyǵy buǵaz arqyly ótetin kemeler áreketin kelisýi tıis ekenin málimdedi. General-maıor Alı Abdollahı sheteldik áskerı kúshter, ásirese AQSh, nysanaǵa alynýy múmkin ekenin eskertti.
Sarapshylardyń aıtýynsha, Ormuz buǵazyndaǵy jaǵdaıdyń shıelenisýi óńirdegi qaýipsizdikke jáne keme qatynasyna qaýip tóndirip otyr.
Donald Tramp Iran usynǵan 14 sharttan turatyn josparǵa kúmán keltirdi