Úkimet otyrysynda Premer-mınıstr Oljas Bektenov jahandyq geosaıası ahýal jaǵdaıynda ishki rezervterdi barynsha iske qosý qajettigin málimdedi. Úkimet basshysynyń alǵa qoıǵan basty maqsaty – jyl sońyna deıin ornyqty ekonomıkalyq ósimdi 5%-dan joǵary deńgeıde saqtaý, dep habarlaıdy Egemen.kz.
«Qazirgi jahandyq ekonomıkalyq jáne geosaıası ahýal barlyq elderge áser etip otyr. Biz jyl sońyna deıin 5%-dan joǵary deńgeıde ornyqty ekonomıkalyq ósimge qol jetkizý úshin bar kúshimizdi jumyldyrýymyz qajet. Shıkizattyq emes sektorda turaqty ósim baıqalyp otyr. О́ńdeý ónerkásibiniń kólemi 8,5%-ǵa ósti», dedi Bektenov.
El ekonomıkasyna 3,5 trln teńge ınvestısııa salyndy
Úkimet basshysy atalǵan oń úrdisti jalǵastyra otyryp, qoldaǵy barlyq rezervterdi tolyq paıdalaný kerektigin atap ótti.
«Básekelestik kúnnen kúnge kúsheıip keledi. Bos áńgimeni doǵaratyn ýaqyt keldi. Naqty ispen aınalysý kerek. Iri ónerkásip jáne ınfraqurylym jobalaryn júzege asyryp, barlyq salaǵa jasandy ıntellektini engizý kerek. Qarjylyq tártipti qatań saqtap, áleýmettik qamsyzdandyrýdyń ádiletti júıesin qalyptastyrý qajet. Qazirgideı bárine birdeı emes, memleket shyn máninde muqtaj adamdarǵa ǵana qoldaý kórsetýge tıis», dep atap ótti Premer-mınıstr.
Qazaqstan ekonomıkasy 3%-ǵa ósti