Geologııalyq zertteýler ortalyǵy qurylmaq

«Nazarbaev Ýnıversıtetinde» Indýstrııa jáne jańa tehnologııa­lar mınıstrligi «Qazgeologııa» AQ basqarma tóraǵasy Ǵalym Nur­­­janov pen «Nazarbayev University Research and Innovation System» jekemenshik mekemesiniń bas dırektory Qanat Baıǵarın Qazaqstannyń Geologııalyq zertteýler ortalyǵyn qurý týraly memorandýmǵa qol qoıdy. Sharaǵa Prezıdent kómekshisi Erbol Oryn­baev, Premer-Mınıstrdiń orynbasary Indýstrııa jáne ja­ńa tehnologııalar mınıstri Áset Ise­keshev jáne «Nazarbaev Ýnıver­sıteti» AQ prezıdenti Shıgeo Katsý qatysty. Memorandým maqsaty elimiz ben alys-jaqyn shetelderdiń mıneraldy jáne kómirsýtegi shı­ki­zatynyń, qatty paıdaly qaz­balardyń, sondaı-aq jerasty sýlarynyń keshendi geologııalyq, geohımııalyq, mı­ne­rologııalyq, tájirıbelik-óner­kásiptik, eksperımentaldy jáne ǵylymı-qoldanbaly zertteýlerin júzege asyrý úshin Geologııalyq zertteýler ortalyǵyn qurý aıasynda yntymaqtastyqty ornatý. Atalǵan joba Elbasynyń eli­mizde geologııalyq klasterdi da­mytý týraly tapsyrmasyna sáıkes júzege asyrylýda. Buryn da aıtylǵandaı, «Nazarbaev Ýnıversıteti» janynda Innova­sııalyq-zııatkerlik klas­ter qury­lýda. Onyń negizgi bóligi Ǵylymı park bolmaq. О́z kezeginde atalmysh park geologııa, AKT, bıomedısına syndy salalardaǵy túrli ǵylymı-tehnıkalyq klasterlerden turady. Ǵylymı parktiń eń basty jobasy geologııalyq klaster bolyp tabylady. Geologııalyq zertteýler ortaly­ǵyn qurý Qazaqstanda dúnıe­júzilik deńgeıdegi ınfraqurylymdy, ǵylymı-zertteý zerthanalaryn jasaýǵa múmkindik bermek. Bul óz kezeginde, elimizde taldaýlar júr­gizý esebinen geologııalyq materıaldardy óńdeýge bólinetin qarjy shyǵyndary men ýaqytty aıtarlyqtaı qysqartady. Memleket basshysynyń tapsyrmasy boıynsha qurylǵan «Qazgeologııa» ulttyq geologııalyq barlaý kompanııasy mıneraldyq-shıkizat bazasynyń ornyn to­lyq­­tyrýǵa, el ekonomıkasyn ornyq­ty damytýǵa kómektesý úshin geolo­gııalyq barlaýǵa ınvestısııalar, ınnovasııalyq tehnologııalardy tartýǵa baǵyttalǵan. Ábdirahman QYDYRBEK, «Egemen Qazaqstan».