Elorda damýyna erekshe nazar

Memleket basshysy Nursultan Nazarbaev Astana qala­synyń ákimi Imanǵalı Tasmaǵambetovti qabyldady, dep habarlady Prezıdenttiń baspasóz qyzmeti. I.Tasmaǵambetov elordanyń áleý­­mettik-ekonomıkalyq damý qory­tyndylary men taıaý kezeń­degi perspektıvalary týraly ha­bar­dar etti. Memleket basshysy Astana ekono­mıkasynda ónerkásip kóle­miniń ósimi baıqalatynyn jáne jum­salǵan qarajat qazirdiń ózin­de elordanyń bıýdjetine qaı­ta­ry­lyp jatqanyn atap ótti. Buǵan qosa, Nursultan Nazarbaev elorda turǵyndary men qonaqtary úshin qalanyń qolaılylyǵy men jaı­lylyǵyn arttyrýǵa baǵyt­tal­ǵan damytý jobalarynyń odan ári iske asyrylýyna nazar aýdardy. Kezdesý barysynda Astana ákimi qurylys salasyndaǵy ju­mys­tyń qorytyndylary týraly baıandady. Atap aıtqanda, 2013 jyly 1 mıllıon sharshy metrden astam turǵyn úı paıdalanýǵa berilgen. Budan bólek, I.Tas­ma­ǵam­­betov bıyl qalada úsh aýysym­men oqytýdy toqtatý jos­parlanyp otyrǵanyn, al 2020 jylǵa qaraı mektepke deıingi 100 mekeme salynatynyn aıtty. Son­daı-aq, ótken jyly 78 myńǵa jýyq adam elordaǵa túpkilikti qonys­taný úshin kóship kelgeni atap ótildi. Kezdesý qorytyndysynda Mem­­­leket basshysy qaralǵan má­sele­ler boıynsha birqatar naqty tap­syrmalar berdi.