Badlefthook.com saıtynyń tilshisi Skott Kraıst Fırýza Sharıpova men Ketı Teılor arasyndaǵy shaıqasta qazaqstandyq kásipqoı boksshynyń múmkindigi joq ekendigine senimdi, dep habarlaıdy Egemen.kz Sports.kz saıtyna silteme jasap.
«Teılor bul jekpe-jekte sózsiz favorıt ekendigi aıtpasa da túsinikti. 27 jastaǵy qazaq boksshysy buǵan deıin myqty qarsylaspen kezdesken joq. Jalpy Ketı Teılor jeńil salmaqtaǵy kez kelgen qarsylaspen ótetin kezdesýde sózsiz favorıt bolatyny daýsyz. Sondyqtan Sharıpovada múmkindik joq desek te bolady», deıdi ol.
Esterińizge sala keteıik, álemniń absolıýtti chempıony ataǵy sarapqa salynatyn shaıqas 11 jeltoqsan kúni Ulybrıtanııanyń Lıverpýl qalasynda ótedi.