Qoldaýǵa qashanda daıynbyz

Eldiń tutastyǵy men bir­ligine, ekonomıkalyq-áleý­met­tik damýyna súbeli úles qosyp otyrǵan «Nur Otan» par­tııasynyń qurylǵanyna da 15 jyl tolyp otyr. Bul saıası uıymnyń qazirgi atqaryp kele jatqan jumystary, sóz joq, meniń jeke qyzmetimmen qatar, saıası kózqarasym qalyp­tasýynyń baspaldaǵy boldy desem, artyq aıtqandyq emes. Partııanyń sońǵy sezine qatysar aldynda Kókshetaý óńirindegi «Suńqar» demalys-saýyqtyrý lagerinde «Jastar–Otanǵa» jobasyna qatynasyp, arnaıy irikteýden ótken bolatynmyn. Nátıjesinde par­tııa­nyń tarıhı sezinde kóp naza­ryna usynylǵan Saıası doktrınanyń qabyldaný sátinde kóppen birge óz únimdi qosyp, qoldap daýys berdim. Jalpy, partııa tarıhynda tuńǵysh ret jasotandyqtardyń sezge qatynasýy men sekildi kóptegen jasqa qanat bitirdi. Kún ótken saıyn damyp, órleý baǵytyna túsken elimizde qabyldanǵan bul Doktrınanyń aldyńǵy qujattar sekildi eldikti kózdep, baıandy bolashaq úshin jumys isteıtin qujat ekenine kóz jetkizdik. Osy qujat qabyldanar sátte Elbasy elimizdiń ár óńirinen kelgen azamattarmen qatar, arnaıy delegat retinde shaqyrylǵan 300-diń ústindegi jasqa eren mindetter júktedi. Bul el jastaryna kórsetilgen qurmetpen qatar, jaýapkershiligi tereń, baılamy berik senim dep sanaımyn. Ultynyń uly bolashaǵy úshin ózine amanat etip júktelgen elin Máńgilik Elge aınaldyrý jolynda azamattyqtyń bıik úlgisin kórsetken Elbasy Nursultan Nazarbaevpen betpe-bet kezdesip, el taǵdyry bizdiń qolymyzda ekenin taǵy bir márte esimizge salyp qana qoımaı, erinbeı eńbek etýge, jalyqpaı bilim alýǵa shaqyrdy. Bizdiń Otanymyz bireý – ol qasıetti Qazaqstan ekenin jadymyzdan shyǵarmaı, sonyń jolynda ter tógip, babalar ańsaǵan asyl muratyn júzege asyrý – bizdiń mindetimiz. О́z sózinde Prezıdent: «Jastar – bizdiń altyn qorymyz», dep erekshe atap ótti. Elbasy aıtqandaı, jas qazaqstandyqtardyń partııanyń, jalpy Otanymyzdyń baǵdaryn qoldaýy jáne 2050 jylǵa deıingi merzimge arnalǵan baǵdarlamany júzege asyrýǵa keńinen qatysýy tarıhı, moraldyq, turaqtandyrýshy zor mánge ıe. Prezıdent, sondaı-aq, jastar saıasaty boıynsha júktelgen tapsyrmalardyń tolyq oryndalmaı otyrǵanyn da synǵa aldy. «Úkimet 2020 jylǵa deıingi Jastar saıasaty tujyrymdamasyn bekitti. Alaıda, ony júzege asyrý is-sharalary boıynsha qarjylandyrýdyń kólemi anyqtalmaǵan. Barlyǵy baǵdarlamalardyń ákimshilikterine kelisilgen shek boıynsha berilgen. Al bul shek qarajat tutynýshyǵa jete me, joq pa, belgisiz. Taǵy bir mysal, meniń tapsyrmam boıynsha Bilim jáne ǵylym mınıstrligi «Jastar» ǵylymı-zertteý ortalyǵyn qurdy. Alaıda, qarjylandyrýdyń joqtyǵynan bul da tolyqqandy jumys isteı almaı otyr», degen Memleket basshysy óńirlerde jastar resýrstyq ortalyqtaryn qurý jumysynyń sozylyp ketkendigin, ony jedel arada júzege asyrýdy el Úkimetine qatań tapsyrdy. Osydan-aq Elbasynyń jastar taǵdyryna beıjaı qaramaıtynyna taǵy bir márte kóz jetkize tústik. Biz úshin osyndaı jumystardy atqaryp otyrǵan Memleket basshysynyń ákelik qamqorlyǵyna meniń zamandastyrym óz alǵys sezimderin bildirdi. Qazaqstan halqynyń erlik pen birliktiń úlgisin kórsetkendigine ótken tarıhymyzdan aıqyn kóz jetkizemiz. «Biz babalarymyz san ǵasyrlar boıy ańsaǵan armanǵa qol jetkizgenimizdi maqtan ete bilýimiz kerek. Ultymyzdyń uly tarıhynyń jańa taraýy qýatty da tabysty táýelsiz memlekettiń shejiresi bolyp jazylýda. Aıtatyn sóz bireý-aq: eldiń birligi – qazaqtyń birligi», degen Memleket basshysynyń batyl bastamalaryn biz, jastar qashanda qoldaýǵa daıynbyz. Memlekette júzege asyrylyp kele jatqan baıandy bastamalar men irgeli ister bizder úshin, kemel keleshek úshin jasalýda ekenin jaqsy túsinemiz. Olaı bolsa, partııanyń jańadan qabyldanǵan qujatynda kórsetilgen oń bastamalardy birge júzege asyrýǵa ınderlik jastar da árqashan daıyn. Endeshe, iske sát! Suńqar KО́ShEKOV, Inder aýdandyq «Jas Otan» jastar qanatynyń atqarýshy hatshysy. Atyraý oblysy.