Birligi kúshti el ozady

Rýhy myqty el qashanda bıikten kórineri haq. Túp-tuqııanymyz bolyp sanalatyn saqtar ómirin beınelegen kórinispen terbelgen jetisýlyq jastar janarlary ushqyndap, boılaryn bılegen bula kúsh rýh berip, Taldyqorǵan tórinde sap túzep, Qazaqstan halqy Assambleıasy uıytqy bolǵan «Máńgilik El» aksııasyn ótkizdi. Negizgi maqsaty – jastardy patrıottyq turǵyda tárbıeleý bolyp tabylatyn bul sharaǵa óńir basshysy erekshe mán bergen. Sonyń bir dáleli retinde «Jastar» sport saraıyna syqasa tolǵan jasóspirimderdiń kórsem, bilsem, osynaý ıgilikten kókeıime bir qajettilikti toqysam degen ynta-yqylasyn aıtýǵa bolady. Memlekettik Ánuran oryndalǵanda sol jas óskinderdiń qaısarlyqtary anyq baıqalyp turdy. Dúıim jurttyń aldyna Almaty oblysynyń ákimi Ańsar Musahanov shyǵyp: – Elbasynyń bıylǵy Jol­daýy­­nyń mańyzy erekshe. «Qa­zaq­stan-2050» Strategııasynyń maq­sat-mindetteri aıqyndalǵan bul qujatta eldiń uly murattary da belgilenip, «Máńgilik El» ult­tyq ıdeıasy jarııalandy, – dedi. – Bul elimizdiń kemel keleshegin, damý múmkindikterin kórsetetin jasampaz joba! Qazaqstandy jańa satyǵa kóterý jolynda bul ıdeıa basty baǵdarymyz, aınymas temirqazyǵymyz bolatyny anyq. О́skeleń urpaqty otanshyldyq rýhta tárbıeleýde negizgi ıdeologııalyq ustanymǵa aınalmaq. Máńgilik El bo­lýǵa Qazaqstannyń áleýeti jet­ki­likti. Ol úshin ındýstrııa men ınnovasııaǵa negizdelgen ekonomıkamyzdy nyǵaıtyp, ál-aýqatymyzdy arttyrýmen qatar, rýhanı qýatymyz zor, bili­mimiz básekege qabiletti, den­saýlyǵymyz myqty, birligimiz bekem bolýy kerek. Arǵa – minájat, barǵa – qanaǵat, joqqa – salaýat aıtqan halqymyz talaı qıyn-qystaý kúnderdi bas­tan ótkerdi. Elba­synyń kóregen saıasatynyń arqa­synda azattyqty ańsaǵan babalarymyzdyń armanyn júze­ge asyrý bizdiń urpaqtyń enshi­sine tıdi. Jetisý óńiri – qol bastaǵan batyr, sóz bastaǵan sheshen, arqaly aqyn, kúmis kómeı ánshi-jyrshylardyń juldyzdy shoǵyry kóptep shyqqan qasıetti ólke. Tatýlyqty tý etken jeti­sý­lyq­tardyń Elbasynyń «Máńgilik El» ıdeıasyn bir kisideı qoldap, júzege asyrýǵa belsene atsalysatyny kúmánsiz. Biz qandaı bıikke kóterilsek te, eldiń yntymaǵy men tatýlyǵy arqasynda qol jetkizdik. Bul «Birligi kúshti el ozady» degen maqaldyń ómir­sheńdigin kórsetedi». Qazaqstannyń halyq ártisi Nurǵalı Núsipjanov «О́z elim» atty patrıottyq turǵydaǵy ándi naqyshyna keltire shyrqaǵanda arnaıy uıymdastyrylǵan aksııa óz máresine jaqyndaı tústi. Astanadan osy sharaǵa arnaıy kelgen Ortalyq saılaý komıssııasynyń múshesi Lázzat Súleımen adamı turǵyda úndeý tas­taı sóz sóılegen soń, óńirge ta­ny­mal jandar minbege kóterilip, ult­­tyq rýhty kóterer áńgime qoz­ǵady. Patrıottyq ánder aǵytyldy. Qoryta aıtqanda, «Máń­gi­lik El» aksııasy Jetisý je­rin­de de jo­ǵa­ry deńgeıde uıym­das­ty­ry­lyp, jalpyhalyqtyq qol­daý tapty. Nurbol Áldibaev, «Egemen Qazaqstan». TALDYQORǴAN.