Qazaqstandaǵy Adam quqyqtary jónindegi ýákil A.Shákirov Qazaqstanǵa saparmen kelgen Shrı-Lanka Prezıdentiniń Arnaıy elshisi – mınıstr Nımal Sırıpal de Sılvamen kezdesti, dep habarlady Qazaqstan Respýblıkasyndaǵy Adam quqyqtary jónindegi ýákil apparatynyń baspasóz qyzmeti.
Kezdesý barysynda keń aýqymdy quqyq qorǵaý máseleleri boıynsha, atap aıtqanda, gýmanıtarlyq yntymaqtastyq, eń bastysy, 2013 jyldan bastap Qazaqstan múshe bolyp kele jatqan BUU Adam quqyqtary jónindegi keńesi aıasyndaǵy yntymaqtastyq týraly oı-pikirlermen almasty.
Ombýdsmen qonaqty «Qazaqstan-2050» Strategııasynyń oryndalýy baǵytyndaǵy jumystarmen tanystyryp, ulttyq quqyq qorǵaý mekemesiniń qyzmeti týraly habardar etti.
О́z kezeginde N. de Sılva Shrı-Lankaǵa qatysty 2013 jyly joǵaryda atalǵan BUU keńesi qabyldaǵan qarardy oryndaý sheńberinde atalǵan eldegi jaǵdaı týraly aıtyp berdi.
Kezdesý qorytyndysy boıynsha gýmanıtarlyq saladaǵy baılanystardy jalǵastyrý týraly ortaq nıet bildirildi.