Jastar – altyn qorymyz

Prezıdent Nursultan Nazarbaev barlyq q­azaq­standyqtardy Ota­ny­myzdaǵy turaqtylyq pen damý jolynda qyz­met jasap, eńbek etýge shaqy­ryp keledi. Elimizdiń bola­shaǵy turaqtylyq pen eko­nomıkanyń damýyna baılanysty ekeni de belgili. «Nur Otan» – bılik partııasy. Saıası doktrınasynda partııanyń basty maqsat-mindetteri anyq jazylǵan. Bul – «Qazaqstan-2050» Strategııasyn júzege asyrýda jáne jalpy el damýynda «Nur Otannyń» rólin anyqtaıdy. Prezıdent «Qazaqstan-2050» Strategııasy – partııalyq baǵdarlamanyń negizi. Strategııanyń oryndalýy tek «Nur Otan» partııasynyń saıası kóshbasshylyǵy jaǵdaıynda múmkin ekendiginde esh kúmánim joq», dep atap ótti. Iаǵnı, Elbasy partııaǵa úlken senim artady. Men de Qazaqstandy Otanym dep rııasyz sanap, osy elde ómir súrip, jumys jasap júrgen kóptegen ult ókilderiniń birimin. О́zim basqaratyn mashına jasaý zaýytynda 400-den astam jumysshy eńbek etse, olar da ártúrli ult ókilderinen, jas­tardan quralǵan. Kásiporynda Elbasy tapsyrǵan «Jasyl ekonomıka» baǵlarlamasyn engizý jóninde birshama ister júzege asýda. Búgingi kúni zaýyt metall qu­ryl­ǵylary men ártúrli tehno­logııalyq maqsattaǵy júk kó­ter­gish jabdyqtardy shyǵarýǵa ma­mandandyrylǵan qazirgi kran tehnıkasynyń úlken modeldi qataryn usynady. «PMZ» AQ-tyń negizgi baǵyty – júk kótergishtigi 140 tonnaǵa deıingi kópirli krandar, 50 tonnaǵa deıingi taǵandy krandar jasaý. Zaýyt ónimderin qaıta óńdeýshi, taý-ken ónerkásibi, munaı-gaz óńdeýshi, metallýrgııa jáne ónerkásiptiń basqa da salalaryna kiretin kásiporyndar paıdalanady. Biz, ENRC-den basqa, Qazaqstanda «Kazsınk» JShS, «Arselor Mıttal» AQ, «Qazaqstan temir joly» UK» AQ jáne basqalarymen jumys isteımiz. Jýyrda «PMZ»AQ temirjol ma­shınalaryn jasaýǵa baılanys­ty «QTJ» AQ-tyń iri jobasyna qatysty. Osylaısha, zaýyt lokomotıv, sondaı-aq elektrovoz zaýyttaryna arnalǵan krandar jasap shyǵardy. «PMZ» AQ Qazaqstanda alǵashqy bolyp jolaýshylar vagondaryn óndirýshi «Tulpar-Talgo» JShS úshin júk kótergishtigi 20 jáne 40 tonnalyq biregeı eki transborderdi daıyndady. Transborder degenimiz, relsti kólikti bir joldan qatarlas ekinshi jolǵa shyǵaratyn arnaıy qural. Olardy jasaý úshin zaýyttyń konstrýktorlyq-tehnologııalyq bólim mamandary Ispanııada bolyp, zaýyttyń jolaýshylar vagondaryn shyǵarý jónindegi barlyq tehnıkasymen tanysty. Sodan basqa, mashına jasaý zaýyty «Tulpar-Talgo» JShS úshin ártúrli baǵyttaǵy 13 júk kótergish krandardy jasap shyǵardy. Mashına jasaý salasyndaǵy básekelestikke qaramastan, re­seılik tapsyrys berýshiler Pavlodar mashına jasaý zaýytyn tańdap otyr. Kásiporyn «Qazaqstannyń úzdik ekspor­ter­leri» otyzdyq tizimine kiredi. Bizdiń ónim syrtqy naryqta baǵasy men sapasy boıynsha básekelestikke qabiletti ónimin, Keden odaǵy aıasynda Qazaqstan, Reseı, Belarýske ótkizedi. Zaýyt ENRC toby kásiporyndarynyń quramyna enedi. Elimizdiń eko­no­mıkalyq áleýetin arttyrýǵa bizdiń ujym da úles qosýda. Zaýyt jumysshylary óz eńbekterine ǵana senedi. Árıne, jetistikter de, qıyn­dyqtar da, áli qolǵa alatyn ju­mystar da barshylyq. Bul úshin óndiristerge Elbasy tarapynan ınnovasııalyq jáne ozyq tehnologııalar júıesi qajet ekeni, jerasty baılyǵyn uqsatý, óńdeý kásiporyndaryn kóbeıtý, syrtqa shıkizat emes ónim shyǵarýǵa kóp kóńil bólý kerektigi tapsy­ryldy. Memleket basshysy atap kórsetkendeı, búginde elimiz úshin tek qana eńbek etý múddesi jáne eńbek adamyna degen kózqarasty qaıta jańǵyrtý qajet bolyp otyr. Nursultan Nazarbaev jas­tarǵa eńbek etińder, oqyńdar degen sózin árdaıym aıtyp keledi. Eńbek jolyn bizder sııaqty óndiristen bastaǵan Elbasy alǵash 20 sharshy metr páter alǵanynda qalaı qýanǵany týraly aıtqany búgingi jastarǵa úlgi bolýy tıis. Endigi bolashaq jastardyń qolynda. Bizdiń zaýytta da jastar eńbek etýde. Prezıdent: «Jastar – bul bizdiń altyn qorymyz. Bizdiń elimizde jasalǵannyń barlyǵy da eń aldymen sizderge jasaldy jáne maqsat-muratymyz, 2050 baǵdarlamamyz da sizder úshin», dedi. Sondyqtan zaýyttarǵa, ón­diristerge jańa tehnologııa tilin biletin, jańa óndiris salasynda jumys jasaı alatyn bilikti, bilimdi maman jastar asa qajet. Buǵan qosa, kelesi bas­ty mindet – halqymyzdyń bir­ligin saqtap, damyǵan 30 eldiń qata­ryna qosylý úshin eńbek etý. Al «Nur Otan» partııasy jer­gilikti jerlerdegi osyndaı maqsatty jumystardy túsindirip, qadaǵalaıtyn bolady. Leonıd BELOGRIVYI, «Mashına jasaý zaýytynyń» dırektory, oblystyq máslıhattyń depýtaty. PAVLODAR.