«Qyzylorda oblystyq halyq shyǵarmashylyǵyn damytý jáne mádenı-prodıýserlik ortalyǵy» memlekettik qazynalyq kásipornynyń dırektory bolyp aıtysker Muhtar Nııazov taǵaıyndaldy, dep habarlaıdy Egemen.kz.
Muhtar Máýlenuly 1985 jyly Qyzylorda qalasynda dúnıege kelgen. 2007 jyly Qorqyt Ata atyndaǵy Qyzylorda memlekettik ýnıversıtetin támamdaǵan. 2018 jyly L.N.Gýmılev atyndaǵy Eýrazııa ulttyq ýnıversıtetiniń pedagogıka ǵylymdarynyń magıstri. Aıtys aqtańgeri, eki márte «Altyn dombyra» ıegeri, Qyzylorda qalasynyń qurmetti azamaty. 2009 jyldan bastap «Aq sóıle» qoǵamdyq birlestiginiń tóraǵasy; 2014-2016 jyldary A.Toqmaǵanbetov mádenıet úıiniń úıirme jetekshisi; 2016-2019 jyldary «Asyl arna» telearnasynda «Súbeli sóz» baǵdarlamasynyń júrgizýshi redaktory, Qyzylorda oblystyq «Rýhanı jańǵyrý» ortalyǵynda jaýapty qyzmetterin abyroımen atqaryp keldi.
2020 jyly Qyzylorda qalalyq mádenıet jáne tilderdi damytý bóliminiń basshysy qyzmetin atqarǵan.