Avstralııada jylan qoltyraýyndy jutyp qoıdy. Bul týraly Utro.ru habarlady.
Oqıǵa Kvınslend shtatyndaǵy Mýndarra kólinde boldy.Qoltyraýyn men pıtonnyń bes saǵatqa sozylǵan arpalysyn jergilikti turǵyndar beınekameraǵa túsirip alǵan eken. Osyndaı bir beınebaıannyń birinde úsh metrlik jylannyń qoltyraýyndy sýdyń ishinde tunshyqtyryp, sodan keıin jaǵaǵa alyp shyǵyp jutyp qoıǵany beınelengen.
Kýágerlerdiń biriniń aıtýy boıynsha, jylan qoltyraýyndy 15 mınýttyń ishinde jutyp qoıǵan. «Basynda qoltyraýyn jylanǵa toıtarys berýge tyrysty. Alaıda, pıtonnyń kúshi basym boldy, ol qoltyraýynǵa sýdan shyǵýǵa múmkindik bermeı, tunshyqtyryp tastady», – dedi ol.
Aıdar О́risbaev.
Derekkóz:
Foto: Horrorzone.ru.