NCOC: Qazaqstannyń bolashaǵy úshin

1999 jyly Qazaqstannyń munaı-gaz salasynyń 100 jyl­dyq mereıtoıynda Nursultan Nazarbaev Atyraýdaǵy qoshe­met­teý sózinde: «Munaı otandyq ónerkásiptiń mańyzdy salasy ǵana bolyp qoımaı, sonymen birge memlekettik táýelsizdik márte­be­si­niń nyshanyna, jarqyn bola­sha­ǵyna degen senimge aınaldy. Endi Qazaqstan munaıy Qazaqstan halqynyń ıgiligine qyzmet etýde!» dedi.

Soltústik Kaspıı jobasy 28 jyl boıy Qazaqstan halqynyń ıgi­ligine qyzmet etip keledi. Sol­tústik Kaspıı jobasy – álem­de­gi eń kúrdeli jáne órshil munaı-gaz jo­balarynyń biri. Joba operatory – NCOC kompanııasy búgingi kúnge qaraǵan shaqta 60 mıllıon tonnadan astam munaı eksporttady jáne munaı men gaz óndirý kólemin turaqty jáne senimdi túrde arttyryp jatyr.

Alaıda NCOC – tek munaı men gaz, uńǵymalar men jasandy araldar, óndiristik jobalardan ǵana quralmaıdy. Bul sonymen birge ondaǵan mektep pen balabaqsha, aýrýhanalar, adamdardyń úılerine tartylǵan gaz, sport keshenderi, mádenıet úıleri ispetti áleýmettik jobalardan turady.

NCOC kompanııasy óziniń búkil qyzmeti boıyna Atyraý jáne Mańǵystaý oblystarynda áleý­mettik jobalardy júzege asy­ryp keledi. Osylaısha, kompanııa úshin shynaıy qundylyq óz qyzmeti júrgizilip jatqan óńir­lerdiń ál-aýqaty, jergilikti ha­lyq­tyń densaýlyǵy jáne óskeleń urpaqtyń qorǵalýy ekenin is júzinde kórsetýde.

NCOC kompanııasynyń kóp­te­gen áleýmettik jobalary óskeleń urpaqqa baǵyttalǵan.

20 jyldan astam ýaqyt ishinde kompanııa 6 myń oryndyq 16 mektep jáne 3 myń oryndyq 14 bala­baq­sha saldy.

Jetim balalar men jaǵdaıy tómen otbasylardyń balalary qa­ta­rynan 3 340 bala elimizdegi eń jaqsy balalar lagerlerinde demalýǵa múmkindik aldy. Olardyń ishinde 160 bala 2018-2019 jyldary úsh apta boıy Qazaqstan-Brıtan tehnıkalyq ýnıversıtetiniń bız­nes-mektebi men Teńiz akademııasynda aǵylshyn tili jáne baǵ­dar­lamalaý oqý kýrstarynda dáris aldy.

NCOC kompanııasy óziniń ón­di­ristik qyzmeti júrip jatqan óńir­lerdegi balalardyń bilim alý deńgeıin arttyrýǵa úles qo­sýdy jalǵastyrýda. STEM-zert­hana (ǵylym, tehnologııa, ınjınırıng jáne matematıka) mektep oqýshylaryn oqytýdaǵy jańa ádisteme jáne álemdik bilim berý salasyndaǵy negizgi trend. Bul sonymen birge oqýshylarǵa baǵdarlamalaý boıynsha oqýǵa jáne robottehnıkamen kásibı deńgeıde aınalysýǵa múmkindik beredi. Kompanııa sońǵy eki jyl ishinde zamanaýı STEM-zerthana kabınetterin Atyraý jáne Mań­ǵys­taý oblystarynyń 12 mektebine jabdyqtap, tapsyrdy.

Bıyl Qazaqstandaǵy Brıtan Keńesimen birlesip ótkizilgen ju­mys aıaqtaldy, biz buny maqtan tutamyz. Bul Qazaqstandaǵy aǵyl­shyn tilin úırený jónindegi úsh jyldyq pılottyq joba. Aty­raý­dyń 7 jalpy bilim berý orta mektebiniń, Maqat kentindegi 1 jalpy bilim berý orta mekte­bi­niń jáne H.Dosmuhamedov atyn­daǵy Atyraý memlekettik ýnı­ver­sıtetiniń 750 oqýshysy men stýdenti, 8 aǵylshyn tiliniń oqy­tý­shysy aǵylshyn tilin bilý deń­ge­ıin jáne kásibı biliktiligin art­tyrýǵa múmkindik aldy. Kon­kýrs­tyq negizde iriktelgen úzdik muǵalimder Ulybrıtanııada oqýdy jalǵastyrady.

О́kinishke qaraı, tolyqqandy bilim alý múmkindigi balalardyń barlyǵynda bola bermeıdi. Psıhıkalyq-sóıleý nemese oılaý qabileti tejelgen erekshe qa­jettilikteri bar balalarǵa áleý­­mettik ortaǵa beıimdelý qıynǵa soǵady. Osyndaı bala­lar­ǵa kómektesý úshin NCOC kom­panııasy demeýshilik jáne qaıy­rymdylyq baǵdarlamasy aıasynda Mańǵystaý oblysynyń Túpqaraǵan aýdanyndaǵy mektepterde 13 ınklıýzıvtik qoldaý kabınetin jáne Atyraýdaǵy mektepterde 5 kabınetti jabdyqtaýǵa kómek kórsetti. Mundaı kabınetter ǵylym negizderin úıretýmen qatar balalardyń bir-birine kó­mek­tesýine, dostasýyna jáne birge oınaýyna múmkindik beredi.

NCOC kompanııasy múmkin­dik­teri shekteýli adamdarǵa erek­she kóńil bóledi. Atyraý jáne Mańǵystaý oblystarynda erek­she qajettilikteri bar on myń­da­ǵan adam turady. Kompanııa jyl saıyn ınvataksı jáne múge­dek­terge arnalǵan arbashalar satyp alýǵa qarajat bóledi. Av­to­kólik quraldary arnaıy tıegish alańshamen jaraqtalǵan, bul ádettegi taksımen júre almaıtyn arbaǵa tańylǵan múgedekter úshin yńǵaıly. Mashınalardyń salondary keń, múgedek arbashasyn kóterýge arnalǵan basqarý pýlti bar elektrgıdrokótergishpen, ter­mo­shýoqshaýlaýyshpen, kondısıo­nerlermen jáne aýdıojúıemen jaraqtalǵan, ıaǵnı erekshe qajet­ti­likteri bar jolaýshylardyń jú­rýine yńǵaıly bolýy úshin barlyq jaǵdaı qarastyrylǵan.

Onyń aldynda múmkindikteri shekteýli 16 adam tehnıkalyq sıpattamalary erekshe bolýymen qatar, óte yńǵaıly jáne dızaıny ádemi, jeke qajettilikterdi eskerip iriktelgen múgedekter kreslolaryna ıe boldy. Kreslolardy bólý kezinde olardyń ólshemderi, úlgileri, fýnksııalary jáne tipti tústeri eskerildi.

Densaýlyq saqtaý nysandaryn salý – áleýmettik jáne ın­fra­­­qurylymdyq jobalardyń ba­ǵyttarynyń biri. 1998 jyldan bastap NCOC kompanııasynyń qar­jylyq qoldaýymen aýyldyq dári­gerlik beketterden bastap aýrý­­­­­hanalarǵa deıin 15 medı­sı­na­­lyq mekeme turǵyzyldy.

 2020 jyly búkil dúnıe júzi koronavırýs pandemııasyna tap bolyp, qosymsha tósektik oryndar óte qajet bolǵan kezde NCOC kompanııasy qysqa merzim ishinde Atyraýda jáne Aqtaýda árqaısysynyń quny 7 mlrd teńge turatyn 2 mo­dýldi juqpaly aýrýlar aýrýha­na­syn saldy. Aýrýhanalar tolyǵymen zamanaýı medısınalyq jabdyqtarmen, sonyń ishinde jaǵdaıy asa aýyr naýqastardy emdeý úshin ottegi beretin arnaıy jelilermen jaraq­ta­lǵan.

Atyraý qalasynda kar­dıo­lo­gııalyq aýrýhananyń 50 oryndyq qosymsha korpýsy turǵyzyldy. Joba sheń­berinde zamanaýı medı­sı­na­lyq jabdyqtar, sonyń ishinde kóptegen aýrýdy anyqtaýǵa arnalǵan Philips Prodiva magnıttik-rezo­nans­tyq tomografy (MRT), jasandy jolmen qan aınaldyratyn apparat, ÝDZ jabdyqtary, emde­lýshilerdi baqylaý jáne qadaǵalaý júıeleri jáne basqa da kóptegen jab­dyq­ satyp alynyp, orna­tyl­dy. Al jańa orta­lyq­tan­dy­rylǵan ottegi stan­sasy kar­dıo­logııalyq orta­lyqtyń jańa ǵımaratyna ǵana emes, sondaı-aq eski ǵıma­ratyna da otte­gini úz­diksiz berip turady.

2020 jylǵy qarashada NCOC kompanııasy Atyraý oblysy Qurmanǵazy aýda­ny­nyń jergilikti ákim­shi­­li­gi­ne 75 tósektik orynǵa esep­­telgen jańa ortalyq aýrý­­ha­nany tabys etti. Bul joba ob­lys­­tyń shalǵaı aýdandarynyń bi­rindegi turǵyndar úshin óte ma­ńyz­dy. Aýrýhana zamanaýı jab­dyqtarmen jáne qural-aspap­tar­men jaraqtalǵan, sonymen qatar onda aýa jeldetý jáne kondısıonerleý avtomatty júıesi, medısınalyq gaz berý júıesi jáne apattyq jaǵdaıda elektr­men jab­dyq­taıtyn dızeldi elektr­stansa bar, ıaǵnı jergilikti ha­lyq­ty jaıly jaǵdaılarda sapa­ly emdeý úshin kerektiń bári qaras­ty­rylǵan.

Kompanııa Atyraý jáne Mań­ǵys­taý oblystarynyń densaý­­lyq saqtaý júıelerine COVID-19 indetimen kúresý úshin tikeleı kómek kórsetýge barlyǵy 3 mlrd teń­geden astam qarajat bóldi.

Sonymen birge kompanııa men basqa operatorlardyń birlesken bastamasy boıynsha jergilikti densaýlyq saqtaý júıesine qoldaý kórsetý úshin Ulybrıtanııadan qar­qyndy terapııa dárigerleri sha­qyryldy.

Pandemııaǵa jáne tıisti shekteýlerge qaramastan NCOC kompanııasy jergilikti halyqtyń qajettilikterin qanaǵattandyrýdy jal­ǵastyrdy. Mysaly, Dúnıe­júzi­lik densaýlyq saqtaý uıy­my­nyń «Salamatty mektep» baǵ­dar­lamasyn júzege asyrýdy jal­ǵas­tyra otyryp, Atyraý jáne Mań­ǵys­taý oblystarynyń erekshe qajettilikteri bar balalarǵa arnalǵan toptary bar bilim berý jáne mamandandyrylǵan meke­melerinde aýany zararsyzdandyratyn bakterısıdti resırkýlıatorlar men aýyz sý burqaqshalary ornatyldy. Tek 2020 jyldyń ózinde eki oblystaǵy 83 balalarǵa bilim berý jáne mamandandyrylǵan uıymǵa 1 038 zararsyzdandyrǵy-tazartqy tabys etildi. Kompanııa sonymen birge Aqtaý qalasynyń 25 mektebinde úsh satyly sý súz­gileý júıesi bar 256 aýyz sý bur­qaq­shasyn ornatty.

Demeýshilik jáne qaıy­rym­dy­lyq baǵdarlamasy áleýmettik jáne ınfraqurylymdyq jobalarmen birge NCOC korporatıvtik áleýmettik saıasatynyń ajyra­mas bóligi bolyp tabylady. Kon­sor­sıým óziniń 30 jylǵa jýyq tarı­hyn­da túrli oqıǵalardy basynan keshirdi: operatorlyq úlginiń ózge­rýi, alǵashqy munaı alý, qubyr jelisin aýystyrý, munaı óndirýdi qaıta bastaý, kúrdeli jóndeý ju­mys­taryn tabysty aıaqtaý, 60 mln tonnadan astam munaı eksporttaý jáne COVID-19 indetine baılanys­ty shekteýler jaǵdaıynda jumys isteý.

Alaıda osy ózgeristerdiń bar­l­­yǵyna qaramastan, bir nárse ózgerissiz: NCOC Atyraý jáne Mań­ǵystaý oblystarynyń turaqty damýyna jáne olardyń halqynyń ál-aýqatyn arttyrýǵa úles qosý baǵytynan taımaıdy.