Bıylǵy 12 qazanda Qyzylorda oblysy Jalaǵash aýdany Aqqum aýyly Jeltoqsan kóshesi №24a meken-jaıda elektr symdarynyń qysqasha tuıyqtalýynan jalpy aýdany 5h15 sharshy metr turǵyn úı órtengen, dep jazady Egemen.kz «Syr boıy» basylymyna silteme jasap.
О́rtti birinshi baıqaǵan kórshisi Súleımenova Bazarkúl oqıǵa týraly habarlaǵan. О́rt sóndirýshiler kelgenge deıin úı ıesiniń qyzy, №38 qazaq orta mektebiniń 1 «b» synyp oqýshysy, 7 jasar Mereı esimdi qyz erjúrektilik tanytyp, óz ómirin qaterge tigip, qoıý qara tútinniń arasynan kámelet jasqa tolmaǵan baýyrlary: 5 jasar Bahyt Beksultandy, 3 jasar Bahyt Aılındi jáne 1 jasar Naýryzbekqyzy Adınany úıdiń terezesinen syrtqa shyǵaryp, ajaldan aman alyp qalǵan.
Adam ómirin qutqarý kezinde kórsetken erligi men qaısarlylyǵy úshin Mereı Naýryzbekqyzy Bahytty 2021 jylǵy 14 jeltoqsandaǵy №215-j/q buıryǵyna sáıkes Qyzylorda oblysy Tótenshe jaǵdaılar departamentiniń bastyǵy, polkovnık Rýslan Qaıraqbaev Alǵys hatpen marapattady.
Sol marapatty jáne búldirshinge arnalǵan syı-sııapatty el merekesi qarsańynda Mereıdiń synyptastary aldynda Jalaǵash aýdanyndaǵy Tótenshe jaǵdaılar bóliminiń basshylary erjúrek qyzǵa tabys etti.