Bas Prokýratýra Tótenshe jaǵdaı kezinde qaıtys bolǵandardyń jalpy sanyn atady, dep jazady Egemen.kz.
Bul týraly QR Bas prokýratýrasy qylmystyq qýdalaý qyzmetiniń bastyǵy Serik Shalabaev Ortalyq kommýnıkasııalar qyzmetinde ótken brıfıngide málim etti.
«Adam shyǵyny bolǵan oqıǵalardy tergep, tekserýge erekshe nazar aýdarylýda. Búgingi kúni 4578 jábirlenýshi anyqtaldy. Onyń 4353-i jaralandy. Onyń ishinde 3393 quqyq qorǵaý organdarynyń qyzmetkerleri. Tótenshe jaǵdaı kezinde morgterge qaza tapqan 225 adam jetkizildi», dedi Bas prokýratýra ókili.