Indýstrııa jáne ınfraqurylymdyq damý mınıstri Qaıyrbek О́skenbaev QR Prezıdenti janyndaǵy Ortalyq kommýnıkasııalar qyzmetinde ótken dóńgelek ústel barysynda elimizdegi qalalar aýmaǵyn sapaly josparlaý standarttary jobasyn usyndy, dep habarlaıdy Egemen.kz.
Mınıstrdiń aıtýynsha, jańa standarttar yqsham qurylysty jobalaý men engizýdiń, tartymdy jáne jaıly qoǵamdyq keńistik qalyptastyrýdyń, jaıaý júrginshiler men velosıped ınfraqurylymyn damytýdyń qarapaıym jáne túsinikti etalony bolady.
«Qazirgi jaǵdaı jańasha sharttardy talap etedi. Ozyq halyqaralyq tájirıbeni eskere otyryp, qala qurylysyn josparlaý, jańa ýrbandalý tásilderin damytý júıelerin transformasııalaý qajet. Memleket basshysy 2021 jylǵy Joldaýynda qalalardy keshendi salýdyń jańa standarttaryn ázirleý qajettigin atap kórsetken bolatyn. Osy maqsatta biz elimizdiń iri eldi mekenderiniń qalalyq ınfraqurylymyn damytý tujyrymdamasynyń pılottyq jobalaryn iske asyrýdy josparlap otyrmyz», dedi mınıstr.
Qaıyrbek О́skenbaev sondaı-aq Indýstrııa jáne ınfraqurylymdyq damý mınıstrligi Qazaqstannyń ýrbanıster qaýymdastyǵymen birlesip, Aqtaý jáne Atyraýdyń qala keńistikterin transformasııalaý jumystaryn bastaǵanyn habarlady.