О́tken táýlikte Ýkraınanyń Harkov qalasynda Reseı qarýly kúshteriniń atqylaýynan 21 beıbit turǵyn qaza taýyp, 112 adam jaraqat aldy. Bul týraly Telegram-arnasynda Harkov meri Oleg Sınegýbov habarlady, dep jazady Egemen.kz.
Onyń aıtýynsha, sońǵy táýlikte qalany artıllerııalyq atqylaý qarqyndy júrgizilgen.
Naýryzdyń 2-si kúni tańerteń Reseı áskeri Harkov qalasyndaǵy polısııa bólimi men ýnıversıtet ǵımarattaryna áýeden shabýyl jasady.
RF Qarýly Kúshteriniń mehanıkalandyrylǵan bólimsheleri buzyp ótýge tyrysqan soltústik-shyǵys jáne soltústik kvartaldarǵa soqqy berildi. Barlyq shabýyldarǵa toıtarys berilip, 40-tan astam áskerı tehnıka qolǵa tústi.
Oleg Sınegýbov reseılik Sý-25 ushaqtarynyń Harkov oblysynyń Chýgýevsk aýdanyndaǵy aerodromǵa da shabýyl jasaǵanyn aıtty. Sondaı-aq Ýkraına áskeri Reseı Aeroǵarysh kúshteriniń bir ushaǵyn atyp túsirgen.