21 jastaǵy tennısshi Tımofeı Skatov ekinshi apta qatarynan sátti óner kórsetip, Roseto Degli Abruzzi serııasyndaǵy topyraq týrnırleriniń shırek fınalyna shyqty, dep habarlaıdy Egemen.kz.
16 naýryzda Tımofeı Skatov osy jarystardyń ekinshi aınalymynda 31 jastaǵy portýgaldyq Gashton Elıashtan ozyp tústi. Birinshi setti 6:2 esebimen alyp, ári qaraı qazaqstandyq ekinshi qurǵaq partııadan – 0:6 esebimen utyldy, al oıynnyń qorytyndy bóliginde Skatov tez jınalyp, jekpe-jektiń barysyn óz paıdasyna bura aldy. Oıyn 7:5 esebimen aıaqtaldy.
Tartysty báıge shamamen eki jarym saǵatqa sozyldy. Petropavldyq tennısshi segiz breık-núkte, eki qos qate jáne bir eıs oryndady.
Endi jartylaı fınalǵa joldama alý úshin qazaqstandyq sportshyny Horvatııa eliniń ókili Nıno Serdarýshıchpen kezdesý kútip tur.