Qazaqstannyń tórt tennısshisi AQSh-tyń Maıamı qalasynda ótip jatqan júlde qory 8 584 055 dollardy quraıtyn asa iri halyqaralyq týrnırde baq synaýda.
Elimizdiń birinshi raketkasy Elena Rybakına alǵashqy kezeńde bos bolyp, ekinshisinde rýmynııalyq Elena-Gabrıela Rýseden aılasyn asyrdy – 6:4, 7:5. Iýlııa Pýtınseva tusaýkeser kezdesýinde germanııalyq Nastasııa-Marıana Shýnkti shań qaptyryp ketti – 4:6, 6:3, 6:1. Kelesi aınalymda ol ýkraınalyq Lesıa Sýrenkony utty – 6:3, 4:6, 7:5. Erler arasyndaǵy Qazaqstannyń eń úzdik oıynshysy Aleksandr Býblık te jarysty ekinshi kezeńnen bastap, kolýmbııalyq Danıel-Elaı Galandy qapy qaldyrdy – 6:7, 6:3, 6:4. Týrnırdiń alǵashqy kúni nıderlandtyq Botık van de Zandshýlpty 6:4, 6:4 esebimen ońaı eńsergen Mıhaıl Kýkýshkın ile-shala amerıkalyq Teılor Frıspen kúsh synasty. ATR reıtınginde 13-orynda turǵan 23 jastaǵy AQSh tennısshisine jerlesimizdiń áli jetpedi – 3:6, 7:5, 3:6.
Keshe úshinshi kezeń oıyndary bastaldy.