Ýnıversıtet vympeli ǵaryshta boldy

Ýnıversıtettiń taratqan aqpa­ratyna súıensek, bıylǵy 18 naý­ryzda Ualikhanov University vympelin Halyqaralyq ǵarysh stan­sasyna «Soıýz MS-21» ke­mesi jet­kizgen, al 30 naý­ryz­da «Soıýz MS-19» ǵarysh keme­siniń re­seılik-amerıkalyq halyq­ara­lyq ekıpajymen tú­siriletin appara­tynda keri jerge jetkizildi. Atal­ǵan mıssııa Bilim jáne ǵy­lym mınıstrligi tarapynan qol­daý taýy­p, Sıfrlyq damý, ınnovasııa­lar jáne aeroǵarysh óner­kásibi mı­nıs­tr­­ligine qaras­ty Aeroǵarysh komı­­tetiniń kó­megimen júzege asyryl­dy.

Ualikhanov University ókili Aıaý­lym Quljanova ǵaryshkerler men astronavtardyń qoltańbasy bar vympelge Halyqaralyq ǵarysh stansasynyń arnaıy móri qo­ıylǵanyn, bul vympeldiń ǵarysh­ta bolǵanyn rastaıtynyn jet­kizdi. «Atalǵan mór Halyq­aralyq ǵarysh stansasynyń bortynda tura­dy jáne eshqashan jer betinde bol­maıdy. Bul joıylady, biraq onyń móri obektiniń ǵaryshqa bar­ǵanyna dálel bolyp qalady», deıdi.

Al osy JOO-daǵy stýdenttik parlamenttiń tóraǵasy Almaz Temirovtiń aıtýynsha, Qazaqstan ýnıversıtetteri arasynda Ualikhanov University jalaýy al­ǵash ret ǵaryshta boldy. Buǵan deıin birqatar sheteldik ýnıversıtet, sonyń ishinde Massachýsets tehno­logııalyq ınstıtýty, Más­keý memlekettik ýnıversıteti ózde­riniń vympelderin ǵaryshqa jiberdi. «Vympel Ualikhanov University bas ekspozısııasynyń stend­­terinde qoıylady. Bul ýnı­­ver­sıtettiń joǵary bedelin jáne onyń Aqmola oblysy men jal­­py Qazaqstannyń ekonomı­kasy, halyq sharýashylyǵy úshin bilikti kadrlar daıarlaýdaǵy ma­ńyz­­dylyǵyn beıneleıdi», dedi ol.

Aıta keteıik, Sh.Ýálıhanov atyndaǵy ýnıversıtet Kókshetaý pedagogıkalyq ınstıtýty bolyp 1962 jyly qurylǵan. Ýnı­versıtet jetekshisi aımaqtyq joǵa­ry oqý oryndarynyń biri sanalady. JOO bakalavrıattyń 55 bilim berý baǵdarlamasy, magıs­tratýranyń 36 baǵdar­la­masy, doktorantýranyń 9 baǵ­dar­­lamasy boıynsha maman­dar daıarlaıdy. 2021 jyly JOO-nyń Táýelsiz akkredıtteý jáne reıtıng agenttigi ja­saǵan reıtınginde Ualikhanov University Qa­zaqstannyń úzdik 10 JOO-nyń qa­taryna engen.