Tarıhı betburys kezeńi

Qazirgi tańda elimiz úshin saıa­sı júıemizdi túbirimen ózger­tý qajet. Bul – halyqtyń ta­lap-tilegi. Qazaqstandaǵy mem­lekettik basqarý isine barshamyz aralasýymyz qajet. Elimiz­degi saıası úderis túbegeı­li demokratııalanýǵa tıis. Pre­zıdent­tiń referendým ótkizý týraly usynysy osyǵan baılanysty dep esepteımin.

Ata Zańymyzǵa ózgeris engizý maqsatynda arnaıy jumys toby qurylǵany bel­gi­li. Solardyń bas bolýymen Konstıtýsııaǵa engizi­letin ózge­rister men tolyq­tyrý­lar­­dyń jobasy ázirlen­di. Jal­pylaı aıtqanda, Ata Zań­nyń úshten biri ózgeredi. Bul Konstıtýsııamyzdyń túbegeıli jańaratynyn bildiredi.

Endi osy ózgerister men to­lyq­­tyrý­lardyń maǵan unaǵan tus­­­taryn atap ótsem. Birinshiden, Kon­s­­tı­tý­sııa­ǵa túzetýler joba­syn­­da aza­mattardyń quqyq­taryn qor­ǵaýǵa baǵyt­tal­ǵan Konstı­tý­­sııalyq sot qury­lady. Bul qa­zir­gideı kezeńde óte ózekti bolyp tur.

Ekinshiden, Prezıdent­tiń ókilettigin júzege asyrý kezeńin­de, saıası partııalarda bolýyna, onyń jaqyn týystaryna kvazımemlekettik sektorda, saıası nemese basshy laýazymdardy atqarýǵa ty­ıym salynady. Bul mańyzdy qadam dep esepteımin. Sebebi memlekettiń basshysy belgili bir partııanyń múddesin emes, halyqtyń qamyn oılaýǵa tıis. Sondaı-aq onyń týystary laýazymdy qyzmet atqarsa, nepotızmge jol ashylady.

Úshinshiden, Konstıtýsııaǵa engiziletin ózgerister Parla­menttiń jumysy men onyń saılaý júıesine qatysty. Túzetýler «sýperprezıdenttik» basqarý úlgisinen yqpaldy Par­l­amenti jáne esep beretin Úki­meti bar prezıdenttik res­pýb­lıkaǵa túbegeıli kóshýdi kóz­deıdi. Máslıhattardyń yqpaly artpaq. Májilis pen oblystyq máslıhattardyń depýtattary aralas majorıtarly-proporsıonaldy túrde saılanady.

Qoryta aıtqanda, 5 maýsym Qazaqstan úshin taǵdyrshesh­ti kezeńge aınalmaq. Osy kún­nen bastap tarıhı betburys jasadyq dep aıta alamyz.

Dáýletkereı RAHMETÝLLIN,

«JAŃARÝ» sybaılas jemqorlyqqa qarsy jalpyulttyq qozǵalys» RQB tóraǵasynyń orynbasary