Belgili aqyn, Qazaqstannyń halyq jazýshysy, lıngvıst-zertteýshi, túrkolog, memleket jáne qoǵam qaıratkeri Oljas Súleımenov «Qazaqstan halyq kongresi» partııasyn quratynyn málimdedi, dep habarlaıdy Egemen.kz.
«Partııa «Qazaqstannyń halyq kongressi» dep atalady. Tirkeýden ótý úshin Ádilet mınıstrligine qujattardy jiberdik», dedi Oljas Súleımenov.
Sonymen qatar ol jer jáne onyń qoınaýy halyqqa tıesili bolýy kerek ekenin, árbir qazaqstandyqqa ulttyq resýrstardan kepildendirilgen tabys túsýi qajettigin atap ótti.
«Biz dıalog alańyn qurdyq. Oǵan árbir qoǵam múshesin shaqyramyz. Qýatty Qazaqstandy damytatyn jáne ony júzege asyratyn baǵdarlama daıyndadyq. Maqsat - kemshilikterdi saraptap, oǵan qajetti qadamdar jasaý», dedi ol.