Bosqyndarǵa qatysty máselelerdi talqylady

Kezdesý barysynda mınıstr BUU bosqyndar isteri jónindegi Jo­ǵarǵy Komıssary basqarmasyna nátı­jeli yntymaqtastyq úshin al­ǵys aıtty.

«2022 jyldyń naýryz aıynda Qazaqstannyń BUU quramyna qabyldanǵanyna 30 jyl toldy. Bizdi BUU-nyń eldik komandasymen kópjyldyq yntymaqtastyq baılanystyrady. Qazaqstan 1951 jylǵy bosqyndar mártebesi jónindegi Konvensııaǵa 1999 jyly qosyldy. Budan bólek Qazaqstan adam quqyq­tary jónindegi halyqaralyq qujat­tardyń basym kópshiligine qosyldy. Atap aıtqanda, azamattyq jáne saıası quqyqtar jónindegi halyqaralyq pakt, bala quqyqtary jónindegi Kon­­­vensııa, azaptaýlarǵa qarsy Kon­­­ven­sııa, áıelderge qatysty dıs­krı­mınasııanyń barlyq túrin joıý jó­nindegi Konvensııa jáne t.b.

О́zderińiz bilesizder, 2010 jyl­ǵy 1 qańtarda respýblıka aýma­­ǵynda pana izdeýshiler men bos­qyndardyń quqyqtyq jaǵdaıyn anyq­­taýǵa ba­ǵyttalǵan «Bosqyndar týraly» zań kúshine endi. Bosqyndar Qa­zaq­stan Respýblıkasynyń qor­ǵaýyn paıdalanady. Quqyqtyq kó­mek­pen qatar, olarǵa úkimettik emes uıymdar, halyqaralyq uıym­dardan materıaldyq jáne gýma­nıtarlyq qoldaý kórsetiledi», dedi T.Dúısenova.

Mınıstr bosqyndarǵa, sondaı-aq pana izdeýshilerge kórsetiletin kómektiń barlyq sıkliniń tıimdi jumys isteýin qamtamasyz etetin úılestirýshi retinde BUU bosqyn­dar isteri jónindegi Joǵarǵy Komıs­sary basqarmasynyń róli joǵary ekenin aıtty. Sondaı-aq Tamara Dúısenova basqarmany Almaty prosesin qurýǵa úles qosqan, aralas kóshi-qon dınamıkasy men bosqyndardyń quqyqtaryn qorǵaý nátıjesinde týyndaıtyn problemalardy sheshýge baǵyttalǵan dıalog alańy retinde atap ótti.

«Qazaqstan Respýblıkasynyń Quqyq qorǵaý jáne sot júıesin reformalaý aıasynda Ishki ister mınıstr­liginen Eńbek jáne halyqty áleýmettik qorǵaý mınıstrligine bosqyndar salasyndaǵy fýnksııa­lar berildi. Osyǵan baılanys­ty, kóshi-qon jáne bosqyndar sala­syn­daǵy biryńǵaı saıasatty qam­tamasyz etý úshin bizdiń mı­nıstr­­ligimizdiń janynan Kóshi-qon ko­mıteti quryldy.

Sonymen qatar biz BUU-nyń Nıý-Iork deklarasııasynyń bos­qyndar men mıgranttar týraly sheshimderinen, bosqyndarǵa qa­tys­ty keshendi sharalar men bos­qyn­dar týraly jahandyq shart sheńberinde týyndaıtyn ózge de sha­ralardy iske asyrýdy jos­par­lap otyrmyz», dep atap ótti T.Dúısenova.

О́z kezeginde BUU Ortalyq Azııa­daǵy bosqyndar isteri jónindegi Joǵarǵy Komıssary basqar­ma­synyń О́kili bosqyndar men pana iz­deýshilerdiń quqyqtaryn qorǵaý máse­leleri boıynsha birlesken ju­mystyń mańyzdylyǵyn atap ótti.

«Biz Eńbek jáne halyqty áleý­met­tik qorǵaý mınıstrligimen bos­qyndar máseleleri boıynsha zań­nama men tájirıbeni jetildirý jónindegi yntymaqtastyqty jo­ǵa­­ry baǵalaımyz. Bul kúsh-jiger bosqyndardyń qaýipsizdigin qam­ta­masyz etýge jáne olardy Qa­zaq­stannyń Adam quqyqtary sala­syn­daǵy kún tártibine sáıkes qor­ǵaýǵa kómektesedi dep sanaımyz. Sondaı-aq bizdiń birlesken jumysymyz bosqyndarǵa olardy qabyldaıtyn qoǵamnyń ıgiligi úshin óz áleýetin tolyq iske asyrýǵa múmkindik be­redi dep úmittenemiz», dedi Hans Frıdrıh Shodder.

Ekijaqty qarym-qatynastardy odan ári nyǵaıtý jáne damytý úshin Tamara Dúısenova men Hans Frıdrıh Shodder birlesken is-sharalar Josparyna qol qoıdy. Qujat bosqyndar máseleleri boıynsha quzyretti jergilikti atqarýshy organdardyń qyzmetkerleri úshin oqytý trenıngterin ótkizýdi, sondaı-aq bosqyndardyń quqyqtaryn qor­ǵaý salasyndaǵy zańnamany je­­til­di­rý boıynsha birlesken usy­nys­tar ázirleýdi kózdeıdi.