Qazaqstan Respýblıkasy Ishki ister mınıstrliginiń Ishki áskerleri komıtetinde Parlament Májilisiniń depýtaty Abaı Tasbolatovtyń tóraǵalyq etýimen Bas áskerı prokýratýranyń janyndaǵy Zańdylyqty qamtamasyz etý máseleleri jónindegi qoǵamdyq keńestiń kezekti otyrysy ótti.
Keńes otyrysynda Qazaqstan Qarýly Kúshterindegi, basqa áskerler men áskerı quralymdardaǵy sybaılas jemqorlyq quqyq buzýshylyqtarynyń profılaktıkasynyń keıbir máseleleri qaraldy.
Qoǵamdyq keńes otyrysyna Qarýly Kúshter Bas shtabynyń, Ishki áskerler komıtetiniń, Shekara qyzmetiniń birinshi basshylarynyń orynbasarlary jáne áskerı polısııa organdary basshylary qatysty.
Abaı Tasbolatov áli de bolsa qol suǵýshylyqtyń negizgi nysany retinde bıýdjettik qarajat, áskerı múlik jáne qoldan uıymdastyrylǵan ákimshilik kedergiler bolyp tabylatynyn atap ótti.
Otyrys barysynda áskerı vedomstvolar ókilderiniń esepteri tyńdalyp, tártiptik komıssııalardyń rólin kúsheıtý boıynsha jáne áskerı saladaǵy sybaılastyq táýekeldilikti tyıýǵa bastaý bolatyn áskerı basqarý organdarynyń quqyq qorǵaý organdarymen anaǵurlym tyǵyz árekettestikti ornatý týraly konstrýktıvti usynystar talqylandy.
Qoǵamdyq keńes otyrysynyń qorytyndysy boıynsha tıisti sheshim qabyldandy, dep habarlady Májilistiń baspasóz qyzmeti.