Boks. Bolgarııanyń astanasy – Sofııa qalasynda 24 sáýir kúni márege jetken jastar arasyndaǵy álem chempıonatynda Qazaqstan quramasy resmı emes komandalyq esepte birinshi oryndy jeńip aldy. Bas jattyqtyrýshy Ǵalym Kenjebaevtyń jahannyń jas jigitter arasyndaǵy IV birinshiliginde 2 altyn, 2 kúmis medaldy enshiledi. Altyn júlde Shalqar Aıqynbaı (49 kg) men Abylaıhan Júsipovke (60 kg) buıyrdy. Bulardyń sońǵysy buǵan deıin álemniń jasóspirimder arasyndaǵy (2013) jáne Azııanyń jastar arasyndaǵy (2014) chempıony atanyp úlgergen. Buǵan qosa, osy jyly qurlyqtyń «eń úzdik boksshysy» da atanǵan edi.
Chempıonatta kúmis medaldardy Sultan Záýirbek (56 kg) pen Vadım Kazakov (69 kg) qorjynǵa saldy. Budan basqa, qyzdar arasynda úshinshi márte ótip otyrǵan chempıonatta Alýa Balqybek (51 kg) qola medaldy qanjyǵaǵa baılady.
Voleıbol. Taldyqorǵannyń «Jetisý» áıelder komandasy Azııanyń klýbtyq chempıonatynda úshinshi oryn aldy. Ol bul ataqqa «Taıpeı» komandasymen kezdesýdi 3:0 etip jeńispen aıaqtaý arqyly qol jetkizdi.
Taıland astanasy – Bangkok qalasynda ótken týrnırde qazaqstandyq voleıbolshylar toptyq bes oıynnyń tórteýinde jeńiske jetip, shırek fınalǵa shyqty. Onda Vetnam komandasyn utqan qyzdar jartylaı fınalda japonnyń «Hısamısý Sprıngs» komandasynan úsh partııada utyldy.
«Egemen-aqparat».