Qazaqstan Respýblıkasy Parlamenti Senatynyń Tóraǵasy Qasym-Jomart Toqaev Eýropadaǵy qaýipsizdik jáne yntymaqtastyq uıymynyń Bas hatshysy Lamberto Zanerdi qabyldady, dep habarlady Senattyń baspasóz qyzmeti.
Senat Tóraǵasy Qazaqstannyń EQYU keńistigindegi yntymaqtastyqty nyǵaıtýǵa, sondaı-aq, Uıymnyń Parlamenttik Assambleıasy aıasyndaǵy únqatysýǵa beıimdiligin naqtylady.
Q.Toqaev «Ýkraınadaǵy shıelenistiń sheshimin tabýda jáne únqatysýdy qalyptastyrýda EQYU sheshýshi ról atqarýy tıis», dep atap ótti.
Astana mereıtoılyq deklarasııasynda málimdelgen Eýrazııalyq jáne Eýro-Atlantıkalyq qaýipsizdik qoǵamdastyǵyn qalyptastyrý týraly aıta kele, Tóraǵa «EQYU-nyń Astana sammıtiniń rýhyn ómirge engizý kerek», dep atap ótti.
Kezdesýde, sondaı-aq, Ortalyq Azııadaǵy aımaqtyq ózara is-qımyl máseleleri de qozǵaldy.