QR Indýstrııa jáne ınfraqurylymdyq damý mınıstrliginen habarlanǵandaı, qurylys salasyndaǵy baǵynyń sharyqtaýyn boldyrmaý maqsatynda Qurylys jáne turǵyn-úı kommýnaldyq sharýashylyq isteri komıteti birqatar shara qabyldaıdy, dep jazady Egemen.kz.
«Osy aıdyń sońynda «Qurylysqa arnalǵan jobalaý-smetalyq qujattamany ázirleý, kelisý, bekitý tártibi» týraly normatıvtik qujat kúshine enedi. Osynyń negizinde qurylysty jobalaý-smetalyq qujattarynyń ishinen praıs-paraqtar alynyp tastalady. Bul - qurylys materıaldarynyń smetada kórsetilgen baǵasynan qymbat bolyp ketpeýi úshin jasalyp otyr. Sondaı-aq, mınıstrlik «Qurylys úshin qun ındeksteri» normatıvtik qujatyn ázirledi. Onda qurylys salasyndaǵy baǵanyń ósýi men ınflıasııa deńgeıi eskeriledi», delingen vedomstvo aqparatynda.
Búginde densaýlyq saqtaý jáne bilim berý obektileriniń qurylysynda baǵany baqylap otyrýǵa múmkindik beretin shekti mólsherleme bekitilgen. Al atalǵan normatıvtik qujattar kúshine engen soń, bul baǵyttaǵy qun ındeksi men kórsetkishter qaıta qaralady.