Úsh nysannyń irgetasy qalandy

Qurylysshylar kúni aıasynda qalada taǵy 3 ny­sannyń irgetasy qalandy. Sonymen qatar Qarmaqshy aýdanyndaǵy Tóretam kenti men Aqaı aýylyna, Aral aýdanyndaǵy Sekseýil ken­tinde aýylishilik gaz qu­byryn tartý, Shıeli aýdany Tar­toǵaı eldi mekeninde avtomattandyrylǵan gaz taratý stansasynyń qurylysy bastaldy.

Oblys ortalyǵynda qu­rylysy bastalǵan nysan­nyń biri – jańa úlgidegi Neke saraıy. Oblys ákimi Nurlybek Nálibaev otba­sylyq ómirge joldama beretin  Neke sa­raıynyń halyqaralyq jas­tar kúni aıasynda boı kóterýin jaqsy yrymǵa balap, jolashar tilegin aıtty.

– Bir qýantarlyǵy, aı­maǵymyzda demografııalyq ósim jyldan-jylǵa jaqsa­ryp, shańyraq kótergen jas­tardyń qatary artyp keledi. Bıyl 6 aıda 2 276 jup nekege turyp, otbasylyq ómirge qadam basty. Keleshekte neke saraıynda otbasy qundy­lyqtaryn dáripteıtin áleý­mettik-mádenı is-sharalar da turaqty túrde ótkiziletin bolady, – dedi oblys basshysy.

О́ńir basshysy kóp aldynda sóılegen sózinde astana bolǵan Aqmeshittiń ajaryn kirgizgen qurylysshylar eńbegine aıryqsha toqtaldy. Qazir basshylyqqa turǵyndar tarapynan aıtylatyn talap-tilektiń basymy qalada zamanaýı sáýlettik úlgidegi jańa nysandar qataryn kóbeıtý bolyp otyr. Osyǵan baılanysty jasalǵan jumystar aıasynda týǵan topyraǵyna janashyr mesenat azamattar birlese otyryp, quny 45 mlrd teńgeni quraıtyn 391 nysannyń jobasy ázirlendi. Bul bastamalar kelesi jyldan bastap iske asady. Az ýaqyttyń ishinde óńirge 20 mlrd teńge ınvestısııa tartyldy.

Sońǵy 10 jylda oblys­ta 33 klýb, 6 mýzeı, 1 mem­lekettik arhıv ǵımaraty sa­ly­nyp, qazir óńirde 409 má­denıet jáne óner meke­mesi halyqqa mádenı qyz­met kórsetip keledi.  Kóp uzamaı osylardyń qataryna 1 myń oryndyq О́ner orta­lyǵy qosylady. Quny

3,7 mlrd teńge bolatyn eki qabat­ty óner saraıy bir ja­rym jylda salynyp bite­di. Qurylysshylar kúni ir­getasy qalanǵan ortalyqta keleshekte sımfonııalyq, estradalyq jáne ulttyq óner baǵytyndaǵy konserttik baǵ­darlamalar men túrli for­mattaǵy qoǵamdyq is-sharalar ótkiziledi.

Sońǵy jyldary Syrdyń sol jaǵalaýynan boı túzegen tutas bir shaǵyn aýdan taǵy sol qurylysshylar eń­beginiń jemisi ekendigi daý­syz. Keleshekte bul aýdannan qasbetteri zamanaýı talaptarǵa saı keletin 7-9 qabatty turǵyn úı, fı­zıka-matematıkalyq mektep ǵımaraty boı kótermek. Balalar jylyna tartý retinde «QazGerMunaı» ká­sip­orny Oqýshylar saraıyn salyp berýdi óz mindetine aldy.

Osy sol jaǵalaýda irge­tasy qalanǵan Qan ortalyǵy jylyna qan men onyń kom­ponentterin donasııalaý kórsetkishin 500-den 10 myńǵa deıin jetkizedi dep josparlanyp otyr. Bul joba tıisti mınıstrliktermen tyǵyz jumys isteý arqyly respýblıkalyq bıýdjet esebinen qarjylandyrylady. Barlyq qajetti quralmen jabdyqtalǵan qan ortalyǵy oblys halqyna sapaly qyz­met kórsetip, ekologııalyq aımaq turǵyndarynyń den­saýlyǵyn jaqsartýǵa múm­kindik bermek.

Keler jyly qonys te­býshiler qatary kóbeıe bas­taǵan sol jaǵalaýda bir aýy­symda 100 kelýshige ar­nalǵan emhanasy bar 300 tósektik oryndyq kópbeıindi aýrýhana qurylysy bastalady.

Osy kúni qaladaǵy jańa qonys – Báıterek shaǵyn aýdanynda sý jınaǵysh qurylǵy qurylysy bastaldy. Quny

1 mlrd teńgeden asatyn joba jeke turǵyn úılerdi turaqty qysymda sapaly aýyz sýmen qamtýǵa múmkindik be­redi. Qurylys barysynda 7 uńǵyma burǵylanyp, 3 rezervýar salynady.

Qala ortalyǵynda uıym­­dastyrylǵan saltanat­ty jıyn­da oblys ákimi Nur­lybek Nálibaev sońǵy 5 jylda turǵyn úı qurylysy kólemi 108 paıyzǵa óskenin atap ótti. Bıyl «Nurly jer» mem­lekettik baǵdarlamasy aıa­synda 1 294 páterlik 31 tur­ǵyn úı qurylysyn salyp, jyl sońyna deıin aıaqtaý jos­parda bar.

Qyzylorda oblysy