Atyraýda eki jasóspirimdi qaǵyp ketken júrgizýshi kóligin tastap, qashyp ketti. Qazir ony izdestirý jumysy júrip jatyr, dep habarlaıdy Egemen.kz.
Oblystyq polısııa departamentiniń habarlaýynsha jol-kólik oqıǵasy 17 tamyzda túngi ýaqytta bolǵan.
«Jergilikti ýaqytpen saǵat 22:40 shamasynda markasy «VAZ-2114» avtokóliginiń júrgizýshisi Atyraý qalasynda eki jasóspirimdi qaǵyp ketkeni belgili boldy. Ol Satpaev kóshesinde ornalasqan «Atyraý» oıyn-saýyq ortalyǵy tusynda rettelmegen jaıaý júrginshiler ótkelinen ótip bara jatqan 2004 jáne 2005 jylǵy jasóspirimderdi kóligimen qaǵyp ketken», delingen habarlamada.
Belgili bolǵandaı, jol-kólik oqıǵasyna kináli júrgizýshi kóligin oqıǵa ornynda tastap, qashyp ketken. Qazir «VAZ-2114» avtokóligi arnaıy turaqqa qoıyldy. Al onyń júrgizýshisin izdestirý jumysy júrip jatyr.