«Qazaqstandyq qoǵamdyq damý ınstıtýty» KeAQ jáne «Qazaqstan Jazýshylar odaǵy» RQB «2022 jyl – Balalar jyly» aıasynda QR Aqparat jáne qoǵamdyq damý mınıstrliginiń qoldaýymen «Altyn saqa» balalar ádebıeti shyǵarmalarynyń respýblıkalyq baıqaýyn uıymdastyrady, dep habarlaıdy Egemen.kz.
Baıqaýǵa qatysýshylar: qazaq ádebıetine ózindik úles qosýdy maqsat etken 18-35 jas aralyǵyndaǵy qalamgerler. Sondaı-aq olar erkin taqyrypta proza janrynda ertegiler jáne shaǵyn áńgimeler baǵyty boıynsha baq synaıdy.
Baıqaýdyń merzimderi:
- Baıqaýǵa qatysýshy úmitkerler ózderiniń shyǵarmalaryn altyn.saqa01@gmail.com, altyn.saqa01@mail.ru, balalarbaikaui@gmail.com elektrondy poshtalaryna 2022 jylǵy 19 tamyzǵa deıin (qosa alǵanda) jeke málimetterdi toltyryp (1-qosymsha) joldaýy qajet;
- Baıqaý shyǵarmalary – 2022 jylǵy 31 tamyzǵa deıin qazylar alqasynyń saraptamasynan ótedi;
- Baıqaý qorytyndysy – 2022 jylǵy qyrkúıek aıynda jarııalanady;
- Baıqaý qorytyndysy boıynsha 2 baǵytta jınaqtalǵan barlyq shyǵarmalar iriktelip, jınaq retinde 2022 jylǵy qarasha aıynda basylyp shyǵady.
Jeńimpazdar eki baǵyt boıynsha I, II, III júldeli oryndar men yntalandyrý syılyǵymen marapattalady. Marapattaý rásimi 2022 jylǵy qyrkúıek-qazan aılarynda ótedi.