QR Aqparat jáne qoǵamdyq damý mınıstrligi Din isteri komıtetiniń arnaıy jobasy aıasynda aǵymdaǵy jyldyń 15-16 tamyz aralyǵynda Nur-Sultan qalasynda din máseleleri jónindegi respýblıkalyq aqparattyq-túsindirý tobynyń (RATT) mamandary qazaqstandyq qoǵamnyń dástúrli, mádenı jáne otbasylyq qundylyqtaryn nyǵaıtýǵa baǵyttalǵan dinı – aǵartýshylyq jumysyn, sonymen qatar dinı estremızimniń taralýyn aldyn alýǵa baǵyttylǵan rýhanı-aǵartý jumysyn uıymdastyrý sheńberinde jergilikti turǵyndarmen birqatar is-shara men kezdesýler ótkizildi, dep habarlaıdy Egemen.kz.
Atalǵan kezdesýlerge RATT múshelerinen (teologtar, dintanýshylar) – A.I.Jaras, B.R.Sherııazdanov, I.T.Berdalıev, B.A.Myrzaev tartyldy.
15 tamyzda Nur-sultan qalasynda «Artem», «AıMak-Taý», «Shapaǵat», «Álem», «Big Shanhaı» jáne «Sharyn» bazarlarynyń saýdagerleri arasynda, № 6636 - ÁB áskerı qyzmetkerleri arasynda, «Astana jastary» KMM mekemesiniń eriktilerimen jáne t.b. kezdesýler ótkizildi.
Sondaı-aq 16 tamyzda RATT músheleriniń qatysýymen Nur-Sultan qalasynda Aqmola oblystyq jedel bólimshesiniń áskerı qyzmetkerleri arasynda, «Nur-Astana» meshitiniń jamaǵattarymen, №2 «Balalar men jasóspirimder sport mektebi» KMM, № 6 jáne № 8 «olımpıadalyq rezervtiń mamandandyrylǵan balalar-jasóspirimder sport mektebi» KMM mekemeleriniń sportshylarymen sport jattyqtyrýshylary arasynda semınar uıymdastyryldy.
О́tkizilgen is-sharalarda qala turǵyndaryna Qazaqstanda turatyn barlyq konfessııalar men etnostardyń beıbit ózara is-qımyly men qatar ómir súrýine, Qazaqstan halqynyń mádenıeti men rýhanı murasyna, destrýktıvti jalǵan dinı jáne radıkaldy ıdeıalardyń zııandylyǵyna baǵyttalǵan din salasyndaǵy memlekettik saıasattyń máni týraly aqparattar berildi.
Sonymen qatar sarapshylar dinniń rýhanı-adamgershilik quramdas bóligi máselelerine, qazirgi qazaqstandyq qoǵamdaǵy áıelderdiń róli men áleýmettik mártebesin arttyrýǵa, sondaı-aq destrýktıvti dinı aǵymdardyń áserine qarsy turý sharalaryna erekshe nazar aýdardy.
Tyńdaýshylar tarapynan da RATT múshelerine
suraqtar qoıylyp, saýaldarǵa tujymdy jaýaptar alyndy.