Qasym-Jomart Toqaev Qatar Premer-mınıstriniń orynbasary – Syrtqy ister mınıstri Muhammed ben Abdýlrahman Ál Tanıdy qabyldady, dep habarlaıdy Egemen.kz Aqordaǵa silteme jasap.
Kezdesýde qazaq-qatar qarym-qatynastaryn damytý perspektıvalary talqylandy. Saýda-ekonomıkalyq yntymaqtastyqty keńeıtýge, sonyń ishinde ekonomıkanyń negizgi salalarynda birlesken ınvestısııalyq jobalardy iske asyrýǵa erekshe nazar aýdaryldy.
Sonymen qatar halyqaralyq uıymdar aıasyndaǵy ózara is-qımyldy qarastyryp, óńirlik kún tártibindegi ózekti máseleler jóninde pikir almasty.
Memleket basshysy qyrkúıek aıynda Er-Rııadta ótetin Ortalyq Azııa jáne Parsy shyǵanaǵy elderi syrtqy ister vedomstvolary basshylarynyń dıalog alańynyń birinshi otyrysyn quptaıtynyn jetkizdi.
Muhammed ben Abdýlrahman Ál Tanı Qasym-Jomart Toqaevqa Qatar Ámiriniń sálemin jetkizip, onyń jýyq arada Qazaqstanǵa keletinin rastady.