Mádenıet jáne sport mınıstrligi Qazaqstan Respýblıkasynyń týrıstik salasyn damytýdyń 2026 jylǵa deıingi tujyrymdamasynyń jańa jobasyn ázirledi, dep habarlaıdy Egemen.kz.
Tujyrymdama boıynsha týrızm ındýstrııasy básekege qabiletti bıznesi bar basym týrıstik aýmaqtarda damıdy. Onyń negizin ishki jáne sheteldik týrıster úshin tartymdy týrıstik ónimderdi usynatyn bilikti qyzmetkerler quraıdy.
Týrızmdi damytýdyń negizgi qaǵıdattary men tásilderi:
Tujyrymdama kólik ınfraqurylymyn damytýdy, avtomobıl qatynasy men turaqty qalalyq kóliktiń qoljetimdiligin, áýe jáne temirjol qatynasyn damytýdy, shekaralyq ótkizý pýnktteriniń ınfraqurylymyn, sýmen jabdyqtaýdy jáne sý burýdy qosa alǵanda, eldiń týrıstik destınasııalaryn keshendi damytý men abattandyrýdy qamtıdy. Týrıstik ınfraqurylymdy (kólik habtary, áýejaılar, temirjol vokzaldary, jergilikti mańyzy bar avtomobıl joldary, eldi mekenderden tys ornalasqan obektilerge kirme joldar, jol boıyndaǵy servıs, sanıtarııalyq-gıgıenalyq toraptar) damytý usynylady. Qazaqstannyń tabıǵı, tarıhı-mádenı, etnostyq ártúrliligi men gastronomııasynyń erekshelikterin eskere otyryp, týrıstik destınasııalardyń aınalasynda sapaly jáne teńtúpnusqaly týrıstik ónimderdi jasaý, sondaı-aq eldiń kıeli obektileriniń «kıeli geografııa» mádenı-geografııalyq kartasy ázirlenedi.Tujyrymdamany iske asyrý kezinde týrıstik saladaǵy ózekti máselelerdi sheshýge basa nazar aýdarylady.
Memleket strategııalyq qujattardy jeńildikpen qarjylandyrýdy, ınvestısııalyq kelisimsharttar jasasý kezinde ınvestısııalyq preferensııalardy bólý, jer, ınfraqurylymdyq jáne ózge de problemalyq máselelerdi memlekettik organdarmen sheshý bóliginde ınvestısııalyq jobalardy iske asyrýǵa qatysady dep boljanýda.
О́z kezeginde kásipkerler tabıǵı aýmaqtar aýmaǵynda týrıstik sala jobalaryn iske asyrý sheńberinde jeńildetilgen nesıe alýǵa úmitker bola alady.
Ulttyq parkterde ekologııalyq týrızm jónindegi jobalardy tabysty iske asyrý úshin zákirlik ınvestorlarmen jumys jalǵasady.
Tujyrymdama jobasy ınvestısııalardy josparlaý qaǵıdatyn engizýdi de kózdeıdi. Osylaısha, týrıstik marshrýttardy túgendeý jáne týrıstik ınfraqurylymnyń damýyn reıtıngtik baǵalaý boıynsha óńirlerde júrgizilgen jumystar naqty obektilerge qajettilikti anyqtaýǵa múmkindik beredi jáne týrıstik destınasııalardy odan ári damytýǵa baǵyttalǵan ınvestorlar úshin negizdelgen jáne keshendi usynystar qalyptastyrý kózi bolady.
Boljamdyq esepteýlerge sáıkes, 2026 jylǵa qaraı kásipkerlerdi jańa sharalarmen jalpy qamtý keminde 2,5 myń birlikke jetedi.
Sondaı-aq qujat óńirlik týrızmdi damytý úshin shaǵyn, orta jáne iri «zákirlik» ınvestısııalyq jobalardy iske asyrýǵa jeke kapıtaldy tartýdy kózdeıdi.
Basym aýmaqtar retinde Mańǵystaý oblysy, Túrkistan oblysy, Almaty taý klasteri jáne basqalary sııaqty týrıstik destınasııalar áreket etedi.
Sonymen qatar 2026 jylǵa deıin Qazaqstan qonaq úıleriniń 95%-dan astamyn elge kelgen keminde 250 myń sheteldik kelýshi tirkeletin E-Qonaq (e-Hotel) aqparattyq júıesimen qamtamasyz etý josparlanýda.
Sondaı-aq týrızm salasy qyzmetkerleriniń biliktiligin arttyrý boıynsha jumystar júrgizý, tájirıbeli jergilikti jáne halyqaralyq sarapshylardy, onyń ishinde onlaın formatta tarta otyryp, oqytý is-sharalaryn, trenıngter, taǵylymdamalar, master-klastar, biliktilikti arttyrý kýrstaryn ótkizý josparlanýda.
Týrıstik ónimderdi damytý boıynsha, onyń ishinde MICE týrızm, týrıstik qyzmetter sapasynyń standarttary jáne basqalary boıynsha týrıstik bıznes sýbektileri úshin arnaıy baǵdarlamalar ázirlenedi dep kútilýde.
Máselen, 2026 jylǵa qaraı quzyretterdi damytý jónindegi is-sharalarmen týrızm salasynda keminde 5,5 myń jumyspen qamtylýdy qamtamasyz etý josparlanýda.
Tujyrymdamany qabyldaý otandyq týrıstik salany tıimdi damytý úshin qajetti jaǵdaılar jasaýǵa jáne 2026 jyly JIО́ qurylymyndaǵy 8,2%-dyq úles boıynsha maqsatqa qol jetkizýge múmkindik beredi dep boljanýda.
Aıta ketsek, Qazaqstan Respýblıkasynyń týrıstik salasyn damytýdyń 2023 jylǵa deıingi tujyrymdamasynyń jáne Qazaqstan Respýblıkasynyń týrıstik salasyn damytýdyń 2019-2025 jyldarǵa arnalǵan memlekettik baǵdarlamasynyń kúshi joıyldy dep tanyldy.
Qujat 23 qyrkúıekke deıin Ashyq NQA saıtynda jarııa talqylaý úshin ornalastyrylǵan.