Memleket basshysy Úrimshi qalasynda bolǵan terrorlyq oqıǵaǵa baılanysty Qytaı Halyq Respýblıkasynyń Tóraǵasy Sı Szınpınge kóńil aıtý jedelhatyn joldady, dep habarlady Prezıdenttiń baspasóz qyzmeti.
Jedelhatta Nursultan Nazarbaevtyń Úrimshi qalasynda 22 mamyrda bolǵan terrorlyq oqıǵa saldarynan kóptegen kinásiz jandar qurban bolǵany jáne zardap shekkeni týraly qaıǵyly habardy kúızele qabyldaǵany aıtylady.
Memleket basshysy QHR Tóraǵasy Sı Szınpınge, sonymen qatar qaza tapqandardyń týǵan-týystaryna qaıǵyryp kóńil aıtyp, zardap shekkenderdiń tezirek saýyǵyp ketýin tileıdi.
«Qazaqstan elderimizdiń beıbit ómiri men qaýipsizdigin qamtamasyz etý maqsatynda qazirgi zaman qaýip-qaterlerine qarsy kúreste Qytaımen tyǵyz yntymaqtastyqqa árqashan daıyn ekendigin atap aıtqym keledi», delingen jedelhatta