Jýyrda Twitter kompanııasyn satyp alǵan kásipker Ilon Mask kompanııanyń dırektorlar keńesin taratty. Bul týraly dúısenbide AQSh-tyń Baǵaly qaǵazdar jáne bırjalar jónindegi komıssııasynyń bazasynda jarııalanǵan qujattarda kórsetilgen, dep habarlaıdy Egemen.kz TASS-qa silteme jasap.
Atalǵan qujatta Ilon Mask Twitter-di jalǵyz basqaratyny kórsetilgen. Áleýmettik jeliniń negizin qalaýshy Djek Dorsı kompanııanyń 2,4% úlesin saqtap qalǵan. Qazir onyń jalpy naryqtyq quny shamamen 1 mıllıard dollardy quraıtyn 18 mıllıonnan astam aksııasy bar.
«27 qazanda birigý týraly kelisim nátıjesinde Mask Twitter-diń jalǵyz dırektory boldy. Mámile aıaqtalǵan sátte birigý jónindegi kelisimniń talaptaryna sáıkes dırektor bolǵan tulǵalar qyzmetterin toqtatty», delingen qujattardyń birinde.
Buǵan deıin Mask kompanııa basshylyǵynyń birneshe múshesin, sonyń ishinde bas dırektor Paraga Agraval men qarjy dırektory Ned Segaldy jumystan shyǵarǵan edi.