ASTANA. 27 mamyr. Otandyq bıznes ókilderiniń básekelestikke qabilettiligin arttyrý úshin Reseı men Belarýs elderiniń kásipkerlerin bizdiń memlekettik satyp alýǵa qatysýyn 2-3 jylǵa shegerý kerek. «Nur Otan» partııasy janyndaǵy respýblıkalyq jemqorlyqqa qarsy is-áreket jónindegi qoǵamdyq keńes otyrysynyń barysynda Senat depýtaty Qýanysh Aıtahanov osyny aıtty.
Bnews.kz tilshisiniń habarlaýynsha, depýtat óz sózinde Eýrazııalyq ekonomıkalyq odaqtyń qazaqstandyq kásipkerlerdi qamshylaýda atqaratyn róli joǵary bolatynyn atap ótken.
«Qazaqstannyń memlekettik satyp alýlaryna Reseı men Belarýs elderiniń kásipkerlerin qatystyrýdy qaıta qaraý kerek degen másele týyndap otyr. Biraz ýaqytqa deıin olardy qatystyrmaý kerek shyǵar. Túbinde keńistik ashylǵannan keıin, bári aralasady. Bizdiń kásipkerlerdiń damýy úshin biraz ýaqyt berý kerek. Kelisimshartta 2-3 jylǵa deıin Reseı men Belarýs elderiniń kásipkerlerin bizdiń memlekettik satyp alýǵa qatystyrýyn shegerý kerek sekildi», - dedi Q.Aıtahanov.
«Otandyq kásipkerlerdiń básekelestikke qabiletti bolýy úshin balyq jaǵdaı jasaýymyz kerek. Eýrazııalyq ekonomıkalyq odaqtyń masaty osy – kásipkerlerdi qamshylaý. Sol sebepti memleket tarapynan kásipkerlerge qoldaýdy kúsheıtý qajet. Basqa elderge qaraǵanda bizdiń kásipkerlerge arzan ári qoljetimdi, uzaqmerzimdi nesıe, sýbsıdııa berý kerek. Qajet bolsa, olardyń ınfraqurylym máselesin sheship berý qajet», - dedi Senat depýtaty.
Murat Aıtqoja.
Derekkóz: Bnews.kz.
Foto: politikus.ru.