Osy kúnderi elimizde velosporttan Azııa chempıonaty ótýde
Keshe Astanada 34-shi qurlyqtyq chempıonat máresine jetti. Bul jarys «Saryarqa» velotreginde» trek boıynsha 22-26 mamyr kúnderi ótti. Al jasóspirimder arasyndaǵy Azııa chempıonaty keshe Qaraǵandy qalasynda bastaldy. Onda komandalar tasjolda synǵa túsedi. Osy eki jarysqa 30 elden 500-den astam sportshylar qatysýda. Keshe tasjolda, ıaǵnı shosse boıynsha bastalǵan báıge osymen 21-shi ret ótkizilip jatyr. Ol Astanada ótken qurlyqtyq chempıonat sekildi elimizde alǵash ret ótýde.
Astanada trekten ótken Azııa dodasynda elimiz 4 altyn, 3 kúmis jáne 1 qola medaldi ıelenip, jalpykomandalyq esepte besinshi oryndy mise tutty. Bizdiń sportshylar jarystyń sońǵy kúni eki altyn men eki kúmis júldeni jeńip aldy. Qazaqstan quramasynda Ekaterına Iýraıtıs pen Roman Vasılenkov pen Nadejda Jeneleva jekeleı synda top jardy. Osy saıysta Ekaterına Iýraıtıs Azııanyń jańa rekordyn jańartty. Sonymen birge ol Nadejda Janeleva, Faına Potapova jáne Svetlana Rıabova qýalaý (4000m) boıynsha komandalyq jarysta altyn júldeni ıelendi. Al jalpykomandalyq esepte bas júldege qytaılyq trekshiler ıe boldy. Odan keıin Ońtústik Koreıa, Qytaıdyń Sıangan quramasy ekinshi jáne úshinshi oryndy ıelendi.
Taǵy bir aıtatyn nárse, Astanadaǵy jasóspirimder jáne eresek sportshylar arasynda ótken jarystyń alǵashqy kúninde eki qurlyqtyq rekord jasaldy. Rekordtyń ekeýi de jasóspirimder arasyndaǵy gıt saıysynda jańartyldy. Aldymen Azııanyń úzdigi ońtústikkoreıalyq Djýng Djıhı 1 shaqyrymdy 1:04.517 sekýndta júrip, chempıon atansa, odan keıin malaızııalyq veloshabandoz Mohd Zonıs Mýhammad Fırdaýs jańa rekord jasady. Ol 1 shaqyrymdy 1:03.962 sekýndta ótti.
Dastan KENJALIN,
«Egemen Qazaqstan».