Aımaqtyq festıval aıaqtaldy

  Taıaýda Pavlodar qalasynda aımaqtyq teatrlar festıvali ótti. Festıval qazaqtyń birtýar azamaty, qoǵam qaıratkeri, jazýshy, dramatýrg Júsipbek Aımaýytovtyń 125 jyldyǵyna arnaldy. Aımaq teatrlarynyń festıvali ulttyq teatr óneriniń irgetasyn qalaýshylardyń biri, qazaq óneriniń qaımaǵy Júsipbek Aımaýytovtyń rýhyna baǵyshtaldy. Artynda óshpes mura qaldyrǵan, eline aıanbaı eńbek etken, «Aqbilek», «Qartqoja», «Mansapqorlar», «Shernııaz», «Rabıǵa», t.b. kóptegen týyndylar qaldyrǵan uly tulǵanyń esimi ulyqtaldy. Ertistiń boıyn jaılaǵan Pavlo­­dar qalasyndaǵy aımaqtyq festıval­di J.Aımaýytov atyndaǵy qazaq mý­zykaly drama teatry uıymdastyr­dy. Teatr dırektory, QR-nyń eńbek sińirgen qaıratkeri N.Jumanııazovtyń bas­shylyǵymen ótken festıvalge aı­maqtyq teatrlar atsalysty. Semeı qalasynan Abaı atyndaǵy qazaq mýzykaly drama teatry Sh.Aıtmatovtyń «Qosh bol, Gúlsary», F.M.Dostoevskıı atyndaǵy orys drama teatry Jan-Batıs Molerdiń «Lekar ponevole», Semeıdiń «Darıǵa-aı» jastar teatry A.Aıtybaevtyń «Yzǵarly jeltoqsan», Jambyl atyndaǵy Shy­ǵys Qazaqstan oblystyq drama teatry­ U.Esdáýletovtiń «Qara pıma», Q.Qýanyshbaev atyndaǵy memleket­tik akademııalyq qa­zaq mýzykalyq dra­ma teatry Á.Ta­razıdiń «Úkili jul­dyz», S.Seı­fýllın atyndaǵy Qaraǵan­dy ob­lys­tyq drama teatry M.Kárim­niń «Aı tutylǵan tún», Bıken Rımova atyn­daǵy Almaty oblysy ákiminiń Taldyqorǵan drama teatry Iran Ǵaıyp­tyń «Negizgi sharýa», A.Chehov atyn­daǵy Pav­lodar oblystyq drama teatry A.Gon­charovtyń «Bez slez, bez jız­nı, bez lıýbvı» dramalaryn usyn­dy. Aımaqtyq teatrlar festı­valiniń qazylar alqasy quramynda KSRO halyq ártisi A.Áshimov, belgili synshy, professor Á.Sy­ǵaev, QR-nyń mádenıet qaıratkeri M.Baıjuma­nov, QR-nyń eńbek sińirgen ártisi R.Tájibaeva, QR-nyń mádenıet qaı­ratkeri A.Qanafına syndy tanymal tulǵalar boldy. Bas júldeni Q.Qýa­nyshbaev atyndaǵy memlekettik aka­demııalyq qazaq mýzykalyq drama teatry ıelendi. Basqa teatrlar da ózindik naqysh­tarymen erekshelendi. Aımaq­tyq teatrlar festıvalinen quralaqan qaıtqan eshkim joq. Semeıdiń Abaı atyndaǵy qazaq mýzykaly drama teatry «Ádebıetti nasıhattaǵany úshin» atalymy boıynsha marapattaldy. Halyq ártisi B.Imahanovtyń teatrdaǵy kóp jyldyq eńbegi erekshe atalyp ótti. F.M.Dostoevskıı atyn­daǵy orys drama teatrynyń árti­si A.Sýhov «Úzdik er beınesin som­daǵany úshin» júldesimen mara­pattaldy. Semeı qalasynan shyǵar­mashylyq ujymdy bastap bar­ǵan, Abaı atyndaǵy qazaq mýzy­kaly drama teatrynyń dırektory B.Túlekov pen F.M.Dostoev­skıı atyndaǵy orys drama teatrynyń dırektory Iа.Gorel­­nıkov óner ujymdarynyń alaman báıgege qatysýyna erekshe eńbek sińir­genin ataı ketken jón. Mereı QARTOV, Abaı atyndaǵy qazaq mýzykaly drama teatry ádebıet bóliminiń meńgerýshisi.