QR Ulttyq qaýipsizdik komıtetiniń Shekara qyzmeti Reseı Federaldyq qaýipsizdik qyzmetiniń Shekara qyzmetimen birlesip Kaspıı teńiziniń akvatorııasyndaǵy brakonerlik qylmystardyń jolyn kesýge jáne tabıǵı ár alýandyqty saqtaýǵa baǵyttalǵan jedel-aldyn alý is-sharalaryn júrgizdi, dep habarlaıdy Egemen.kz UQK baspasóz qyzmetine silteme jasap.
Birlesken is-sharalar barysynda teńiz keńistiginde 68 júzý quralyn mingen 153 quqyq buzýshy ustaldy (shekaralyq tártipti buzǵandar – 79, aımaqtyq jáne ishki sýlar tártibin buzǵandar – 71, memlekettik shekara tártibin buzǵandar - 3).
«Uzyndyǵy 400 shaqyrymǵa jýyq brakonerlik jolmen balyq aýlaýǵa arnalǵan tor jáne 17 myń ilmek alyndy. Tabıǵı tirshilik ortasyna 946 bekire tuqymdas jáne 5 321 usaq tuqymdas balyq túrleri men 54 ıtbalyq qaıtaryldy», delingen vedomstvo habarlamasynda.
Is-shara nátıjesinde 1,82 mıllıard teńge kólemindegi zalaldyń aldy alyndy. Qazaqstan Respýblıkasynyń zańnamalaryn buzǵandarǵa 3,3 mıllıon teńgeden astam aıyppul salyndy.