ASTANA. 28 mamyr. Qazaqstan tarapynyń talap etýimen Eýrazııalyq ekonomıkalyq odaq qurý týraly kelisimnen birqatar máseleler alynyp tastaldy. Bul týraly Prezıdent janyndaǵy Ortalyq kommýnıkasııalar qyzmetinde ótken brıfıngte Syrtqy ister mınıstriniń orynbasary Samat Ordabaev baıandady.
«Biz kelisimdi saıasılandyrýǵa jol bergen joqpyz. Odaq tek qana ekonomıkalyq baılanys negizinde jumys jasaıdy. Qazaqstannyń pozısııasy arqasynda kelisimnen jalpy azamattyq, syrtqy saıasat, parlamentaralyq yntymaqtastyq, pasport-vıza salasy, shekarany ortaqtasa kúzetý, eksporttyq baqylaý tárizdi máseleler alynyp tastaldy. Onyń tizimine kirgen jaıttar óte kóp, - dedi ol.
«Osy oraı atap óter bir jaıt, bolashaq kelisimnen alynyp tastalǵan salalar eshqaıda ketpeıdi, onda eshqandaı da «surǵylt» aımaq joq. Bul máseleler Ujymdyq qaýipsizdik týraly kelisimshart uıymy, sol sııaqty TMD aıasyndaǵy ekijaqty jáne kópjaqty qujattar arqyly retteledi. Sondyqtan eshqandaı quqyqtyq vakkým bolmaıdy. Bul odaqtyń ereksheligi tek ekonomıkalyq máseleler ǵana bolmaq. Sondaı-aq, úlken áleýmettik blokty alyp tastadyq. Bul suraqtar da ekijaqty jáne kópjaqty turǵyda retteledi», - degendi alǵa tartty Ordabaev óz sózinde.
Murat Aıtqoja.
Derekkóz: BNews.kz.
Foto: eurasian_union.